ഫെയര്‍നസ് ക്രീമുകള്‍ വെളുപ്പിക്കുമോ?

Skin Care

oi-Saritha

By Veena

Published: Monday, April 16, 2012, 12:10 [IST]

ടിവി തുറന്നാല്‍ ഫെയര്‍നസ് ക്രീമുകളുടെ പരസ്യത്തിന് യാതൊരു പഞ്ഞവുമില്ല. ആയുര്‍വേദവും അലോപ്പൊതിയുമായി എത്രയേറെ ഫെയര്‍നെസ് ക്രീമുകള്‍. വെളുക്കുവാനായ് ദിവസവും ഇവ ഉപയോഗിക്കുന്നവര്‍ക്കും പോലും ഫലം ലഭിക്കുമോ എന്ന ഉറപ്പുണ്ടാകില്ലെന്നതാണ് വാസ്തവം.

ഇത്തരം ഫെയര്‍നസ് ക്രീമുകള്‍ പ്രധാനമായും ചെയ്യുന്നത് ചര്‍മത്തിന് ഇരുണ്ട നിറമുണ്ടാക്കുന്ന മെലാനിന് കാരണമായി തൈറോസിനേസ് എന്ന വസ്തുവിന്റെ പ്രവര്‍ത്തനം തടയുകയാണ്. ഇതിനായി പല ക്രീമുകളും ഉപയോഗിക്കുന്ന കൂട്ടുകള്‍ക്കും വ്യത്യാസം കാണും. ബെറികളുടെ പള്‍പ്പു മുതല്‍ ഹൈഡ്രോക്വിനോന്‍ എന്ന കെമിക്കല്‍ വരെ ക്രീമുകളില്‍ ചേര്‍ക്കുന്നുണ്ട്. ഇവ തുടര്‍ച്ചയായി ഉപയോഗിച്ചാല്‍ അല്‍പമെങ്കിലും ഫലം കാണുമെന്ന് സാരം.

ഒരു ക്രീമില്‍ ഒരു പദാര്‍ത്ഥം മാത്രമുപയോഗിച്ചതു കൊണ്ട് പ്രയോജനമുണ്ടാകണമെന്നില്ല. അതുകൊണ്ടുതന്നെ മിക്കവാറും ക്രീമുകൡും പല പദാര്‍ത്ഥങ്ങള്‍ ഉപയോഗിക്കുകയാണ് ചെയ്യുന്നത്. ഗ്ലൈക്കോളിക് ആസിഡ്, ലാക്ടിക് ആസിഡ്, വൈറ്റമിന്‍ എ, സി തുടങ്ങിയവ ഇത്തരം ക്രീമുകളില്‍ ഉപയോഗിക്കുന്ന കൂട്ടുകളാണ്.

കെമിക്കല്‍ പീലിംഗ്, ലേസര്‍ ട്രീറ്റുമെന്റ് എന്നിവയും ചര്‍മത്തിന് നിറം നല്‍കാന്‍ ഉപയോഗിക്കുന്നുണ്ട്.

എന്നാല്‍ മെലാനിന്റെ ഉല്‍പാദനം ദീര്‍ഘകാലത്തേക്ക് തടയുന്നത് നല്ലതല്ലെന്നും ചില ചര്‍മരോഗവിദഗ്ധര്‍ക്ക് അഭിപ്രായമുണ്ട്. വെളുക്കാനുള്ള ക്രീമുകള്‍ ചര്‍മത്തെ പോളിഷ് ചെയ്യുക മാത്രമാണ് ചെയ്യുന്നത്. സൗന്ദര്യത്തിന് ചര്‍മത്തിന്റെ ആരോഗ്യവും പ്രധാനമാണെന്നോര്‍ക്കുക.