വേനല്‍പ്പഴങ്ങള്‍ ഫേസ് സ്‌ക്രബറാക്കാം

Skin Care

oi-Saritha

By Veena

Published: Wednesday, April 11, 2012, 14:47 [IST]

നല്ല ചര്‍മത്തിന് ഫലവര്‍ഗങ്ങള്‍ കഴിയ്ക്കുന്നത് നന്ന്. കഴിയ്ക്കാന്‍ മാത്രമല്ലാ, ചര്‍മത്തില്‍ പുരട്ടാനും ഇവ ഉപയോഗിക്കാം. വേനല്‍ക്കാലമായതു കൊണ്ട് ഫേസ് സ്‌ക്രബറുകള്‍ ഉണ്ടാക്കാന്‍ ഇക്കാലത്ത് സമൃദ്ധമായി ലഭിയ്ക്കുന്ന പഴവര്‍ഗങ്ങളും ഉപയോഗിക്കാം.

പഴുത്ത പപ്പായ തേക്കുന്നത് മുഖചര്‍മത്തിന് ഗുണം ചെയ്യും. പപ്പായ മാത്രമല്ലാ, പപ്പായയിലെ കുരുവും സൗന്ദര്യസംരക്ഷണത്തിന് ഉപയോഗിക്കാം. പപ്പായ കുരു അല്‍പം പള്‍പ്പുമായി ചേര്‍ത്ത് മിക്‌സിയില്‍ അടിക്കുക. ഇതിലേക്ക് അല്‍പം തേന്‍ ചേര്‍ത്ത് മുഖത്ത് സ്‌ക്രബ് ചെയ്യാം.

ഓട്‌സ് പൊടിച്ച് പഴവുമായി ചേര്‍ത്ത് മുഖത്തിനു ചേര്‍ന്ന സ്‌ക്രബറുണ്ടാക്കാം. ചര്‍മത്തിന് തുടിപ്പും മിനുപ്പും നല്‍കാന്‍ പഴം സഹായിക്കും. ഒാട്‌സാവട്ടെ, മൃതചര്‍മത്തെ നീക്കുകയും ചെയ്യും.

മാങ്ങ, ബദാം എന്നിവ ഉപയോഗിച്ചും ഫേസ് സ്‌ക്രബറുണ്ടാക്കും. മാങ്ങയുടെ പള്‍പ്പില്‍ ബദാം പൊടിച്ചത് ചേര്‍ത്ത് സ്‌ക്രബറായി ഉപയോഗിക്കാം. മാങ്ങ ചര്‍മത്തെ മിനുക്കമുള്ളതാക്കും. ബദാമില്‍ നിന്ന് വൈറ്റമിന്‍ ഇ ലഭിക്കുകയും ചെയ്യും.

വേനലില്‍ സമൃദ്ധമായി ലഭിക്കുന്ന ചക്കയും സ്‌ക്രബറായി ഉപയോഗിക്കാം. ചക്ക കുരു മാറ്റി മിക്‌സിയില്‍ അടിച്ച് ഇതിലേക്ക് പഞ്ചസാര ചേര്‍ത്ത് സ്‌ക്രബറായി ഉപയോഗിക്കാം.