സുന്ദരിയാകാന്‍ ചര്‍മരഹസ്യമറിയൂ

Add as a preferred source on Google

നല്ല ചര്‍മത്തിനുള്ള പരസ്യമായ ഒരു രഹസ്യമാണ് വെള്ളം. ധാരാളം വെള്ളം കുടിയ്ക്കുകയെന്നത് വളരെ പ്രധാനം. ചര്‍മസുഷിരങ്ങള്‍ തുറക്കാനും മൃതകോശങ്ങള്‍ അകറ്റാനും ഇത് വളരെ പ്രധാനമാണ്.

മേയ്ക്കപ്പ് നീക്കാതെ ഉറങ്ങരുത്. എത്ര മേന്മയുള്ള ക്രീമാണെങ്കിലും ഇവ ചര്‍മത്തിന് നല്ലതല്ല. ചര്‍മത്തിന് ശുദ്ധവായു ലഭിക്കേണ്ടത് സൗന്ദര്യത്തിന് അത്യാവശ്യമാണ്. മേക്കപ്പ് ഇതിന് തടസവും. രാത്രിയെങ്കിലും ചര്‍മത്തില്‍ വായുസഞ്ചാരമുണ്ടാകണം.

സൂര്യനില്‍ നിന്ന് ചര്‍മത്തെ കാത്തുരക്ഷിക്കേണ്ടത് വളരെ പ്രധാനം. പുറത്തിറങ്ങുമ്പോള്‍ എപ്പോഴും സണ്‍സ്‌ക്രീന്‍ ഉപയോഗിക്കാന്‍ ശ്രദ്ധിക്കണം. ചര്‍മത്തില്‍ കരുവാളിപ്പുണ്ടാക്കാനും ചുളിവുകളുണ്ടാക്കാനും വെയിലിനും ചൂടിനുംകഴിയും. സണ്‍സ്‌ക്രീണ്‍ ചര്‍മത്തിന് ഒരു പരിചയായി പ്രവര്‍ത്തിക്കുന്നു. അവോബെന്‍സോള്‍, സിങ്ക് ഓക്‌സൈഡ്, ടൈറ്റാനിയം ഡയോക്‌സൈഡ് തുടങ്ങിയ അടങ്ങിയ, എസ്പിഎഫ് 30(സണ്‍ പ്രൊട്ടക്ക്ഷന്‍ ഫോര്‍മുല) ന് മേലെയുള്ള സണ്‍സ്‌ക്രീന്‍ ക്രീമുകള്‍ ഉപയോഗിക്കണം.

നല്ല സൗന്ദര്യത്തിന് ഉറക്കം പ്രധാനം. ബ്യൂട്ടി സ്ലീപ്പ് എന്നു വേണമെങ്കില്‍ പറയാം. ഉറങ്ങുമ്പോള്‍ ചര്‍മകോശങ്ങള്‍ക്കും വിശ്രമം ലഭിയ്ക്കുന്നു. ചര്‍മത്തിലെ വിഷാംശങ്ങളെല്ലാം വിശ്രമിക്കുമ്പോള്‍ പുറന്തള്ളപ്പെടുന്നു. ഉറങ്ങി എഴുന്നേല്‍ക്കുമ്പോള്‍ ശരീരത്തിന് ഉന്മേഷം ലഭിക്കുന്നതു പോലെ ചര്‍മകോശങ്ങള്‍ക്കും ഉന്മേഷം ലഭിക്കും.

ചര്‍മത്തില്‍ ഉപയോഗിക്കുന്ന ഏതു സൗന്ദര്യവര്‍ദ്ധക വസ്തുക്കളും നല്ല നിലവാരമുള്ളവയാകാന്‍ ശ്രദ്ധിക്കണം. ഗുണക്കുറവുള്ള ഉല്‍പന്നങ്ങള്‍ ചര്‍മത്തിന് ദോഷം ചെയ്യുമെന്നും ഓര്‍ക്കുക.