വീട്ടിലുണ്ടാക്കാം, ഹെര്‍ബല്‍ ഫേഷ്യല്‍ ക്രീം

Skin Care

oi-Saritha

By Veena

Published: Wednesday, March 28, 2012, 15:02 [IST]

ഹെര്‍ബല്‍ ഫേഷ്യലിന് പ്രത്യേക ഗുണമുണ്ടെന്നു പറയും. രാസവസ്തുക്കള്‍ കലരാത്തതു കാരണം ഇവ താരതമ്യേന സുരക്ഷിതവുമാണ്. ഹെര്‍ബല്‍ ഫേഷ്യല്‍ ചെയ്യാന്‍ മിക്കവാറും ബ്യൂട്ടി പാര്‍ലറുകളെ ആശ്രയിക്കുകയാണ് പതിവ്. വീട്ടില്‍ തന്നെ ഹെര്‍ബല്‍ ഫേഷ്യല്‍ ക്രീം വേണമെങ്കില്‍ ഉണ്ടാക്കുവാന്‍ സാധിക്കും.

ഒരു മുട്ട വെള്ള, ഒരു സ്പൂണ്‍ പാല്‍, ഒരു സ്പൂണ്‍ തേന്‍, കാല്‍ സ്പൂണ്‍ പുതിനയില, അല്ലെങ്കില്‍ തുളസിയില എന്നിവ നല്ലപോലെ മിക്‌സിയില്‍ ചേര്‍ത്ത് കുഴമ്പു പരുവത്തിലാക്കി മുഖത്തു തേയ്ക്കാം. 15 മിനിറ്റ് കഴിഞ്ഞ് ചൂടുവെള്ളത്തില്‍ കഴുകിക്കളയാം.

ഒരു തക്കാളി, ഒരു സ്പൂണ്‍ നാരങ്ങാനീര്, ഒരു സ്പൂണ്‍ ഓട്‌സ്, തുളസി എന്നിവ കൂട്ടിച്ചേര്‍ത്തും ഹെര്‍ബല്‍ ഫേസ് മാസ്‌കായി ഉപയോഗിക്കാം.

കുക്കുമ്പര്‍ ഫേഷ്യലും ഹെര്‍ബല്‍ ഫേഷ്യലില്‍ തന്നെ ഉള്‍പ്പെടുത്താവുന്ന ഒന്നാണ്. കുക്കുമ്പര്‍ തൊലി കളഞ്ഞ് മിക്‌സിയില്‍ അടിച്ച് ജ്യൂസെടുക്കുക. ഇത് നാരങ്ങാനീര്, തേന്‍ എന്നിവ കൂട്ടിച്ചേര്‍ത്ത് മുഖത്തു പുരട്ടാം. വരണ്ട ചര്‍മമാണെങ്കില്‍ അല്‍പം പാല്‍പ്പാടയും ചേര്‍ക്കാം. ഇത് മുഖത്തു പുരട്ടി ഉണങ്ങുമ്പോള്‍ കഴുകിക്കളയാം.

മുള്‍ത്താണി മിട്ടിയ്‌ക്കൊപ്പം നാരങ്ങാനീര്, തേന്‍, പനിനീര് എന്നിവ ചേര്‍ത്തും ഹെര്‍ബല്‍ ഫേഷ്യല്‍ ക്രീം ഉണ്ടാക്കാം.