സൗന്ദര്യം മഞ്ഞള്‍ വഴിയും

Skin Care

oi-Saritha

By Veena

Published: Monday, March 26, 2012, 13:11 [IST]

പഴയ തലമുറയും പുതുതലമുറയും ഒരുപോലെ അംഗീകരിച്ച് സൗന്ദര്യവര്‍ദ്ധക വസ്തുവാണ് മഞ്ഞള്‍. ഭംഗിയും നിറവും വര്‍ദ്ധിക്കാന്‍ മാത്രമല്ലാ, ചര്‍മരോഗങ്ങള്‍ക്കുള്ള ഒരു മരുന്നു കൂടിയാണിത്. മഞ്ഞള്‍ ഉപയോഗിച്ചുള്ള ചില ഫേസ്പാക്കുകള്‍ നോക്കൂ.

അല്‍പം മഞ്ഞള്‍പ്പൊടി കടലമാവുമായി ചേര്‍ത്ത് അതിലേക്ക് പാല്‍, തേന്‍ എ്ന്നിവ ചേര്‍ത്ത് പേസ്റ്റാക്കുക, ഇത് മുഖം കഴുകിത്തുടച്ച് ഈറനോടു കൂടി മുഖത്തിടുക. അല്‍പനേരം കഴിഞ്ഞ് ചൂടുവെള്ളത്തില്‍ കഴുകിക്കളയാം. സണ്‍ടാന്‍ മാറ്റാന്‍ പറ്റിയ ഒന്നാന്തരം ഫേസ് പാക്കാണിത്.

അര സ്പൂണ്‍ മഞ്ഞള്‍പ്പൊടി ഒരു സ്പൂണ്‍ തൈരില്‍ ചേര്‍ത്ത് മുഖത്തു തേക്കുക. ഇത് മുഖം വൃത്തിയാക്കുകയും ചര്‍മത്തിന് ഈര്‍പ്പം നല്‍കുകയും ചെയ്യും.

മഞ്ഞള്‍പ്പൊടി, ചന്ദനപ്പൊടി, പാല്‍ എന്നിവ ചേര്‍ത്ത് പേസ്റ്റാക്കി മുഖത്തു പുരട്ടാം. ഉണങ്ങിയ ശേഷം കഴുകിക്കളയുക.

തേനും മഞ്ഞള്‍പ്പൊടിയും ചേര്‍ത്ത് മുഖത്തു പുരട്ടുന്നത് മുഖത്തെ ചുളിവുകള്‍ അകറ്റാനുള്ള നല്ലൊരു വഴിയാണ്.

കസ്തൂരിമഞ്ഞള്‍പ്പൊടിയായിരിക്കും ചര്‍മത്തിന് കൂടുതല്‍ നല്ലത്. കറി ആവശ്യങ്ങള്‍ക്കായി വാങ്ങുന്ന മഞ്ഞള്‍പ്പൊടി അത്ര സുരക്ഷിതമല്ല. ഉണങ്ങിയ മഞ്ഞള്‍ പൊടിച്ചും ഉപയോഗിക്കാം.