'ഉപ്പിട്ട്' ഫേസ് സ്‌ക്രബര്‍

അഞ്ച് സ്പൂണ്‍ ബദാം ഓയിലെടുത്ത് അതിലേക്ക് അര സ്പൂണ്‍ ഉപ്പു ചേര്‍ക്കണം. ഇത് മുഖത്തു പുരട്ടി നല്ലപോലെ സ്‌ക്രബ് ചെയ്യാം.

ഉപ്പും തേനും കലര്‍ത്തിയാലും നല്ല സ്‌ക്രബറാണ്. മുഖത്തെ മൃതചര്‍മമകറ്റാനും സണ്‍ ടാന്‍ മാറ്റാനും ഇത് നല്ലൊരു സ്‌ക്രബറാണ്.

നാരങ്ങാനീരില്‍ ഉപ്പും അല്‍പം ബദാം ഓയിലും ചേര്‍ത്ത് സ്‌ക്രബറുണ്ടാക്കാം. നാരങ്ങാനീര് ചര്‍മത്തെ വരണ്ടതാക്കുമെന്നതു കൊണ്ടാണ് ബദാം ഓയില്‍ ചേര്‍ക്കുന്നത്. പകരം ഒലീവ് ഓയിലായാലും മതി.

രണ്ടു സ്പൂണ്‍ ഓട്‌സ് പൊടിച്ചത്, ഒരു നുള്ള് ഉപ്പ്, രണ്ട് സ്പൂണ്‍ നാരങ്ങാനീര്, അല്‍പം ബദാം ഓയില്‍ എന്നിവ ചേര്‍ത്തും സ്‌ക്രബറുണ്ടാക്കാം. ഇത് മുഖത്ത് പുരട്ടി സ്‌ക്രബ് ചെയ്ത ശേഷം തണുത്ത വെള്ളത്തില്‍ കഴുകിക്കളയാം.

ഇത്തരം സ്‌ക്രബറുകളില്‍ ഉപ്പ് അധികമാകാതിരിക്കാന്‍ ശ്രദ്ധിക്കണം. ഇവ ഉപയോഗിക്കുമ്പോള്‍ ചര്‍മത്തിന് ഏതെങ്കിലും വിധത്തിലുള്ള അസ്വസ്ഥതകളുണ്ടെങ്കില്‍ പിന്നീട് ഉപയോഗിക്കരുത്.