ചര്‍മസംരക്ഷണത്തിന് പഞ്ചസാരയും

മുഖക്കുരുവുള്ളവര്‍ക്ക് ഉപയോഗിക്കുവാന്‍ പറ്റിയ സ്‌ക്രബറാണ് പഞ്ചസാര. പഞ്ചസാരയും നാരങ്ങാനീരും ചേര്‍ത്ത് മുഖത്തു പുരട്ടാം. മുഖത്തു സ്‌ക്രബ് ചെയ്യുമ്പോള്‍ പഞ്ചസാര അലിയുന്നതു കൊണ്ട് മുഖക്കുരു പൊട്ടുമെന്ന ഭയം വേണ്ട. നാരങ്ങാനീരാകട്ടെ, മുഖക്കുരു മാറാനുള്ള പ്രകൃതിദത്ത മാര്‍ഗവുമാണ്.

വരണ്ട ചര്‍മമുള്ളവര്‍ക്ക് നാരങ്ങാനീരിന് പകരം ഒലീവ് ഓയില്‍ ഉപയോഗിക്കാം. ഇതിനൊപ്പം അല്‍പം തേന്‍ ചേര്‍ക്കുന്നത് നന്നായിരിക്കും.

പഞ്ചസാരയും റോസ്‌മേരി ഓയിലും കൂട്ടിച്ചേര്‍ത്ത് സ്‌ക്രബറുണ്ടാക്കാം. റോസ്‌മേരി ഓയിലിന് പകരം വെളിച്ചെണ്ണ, ബദാം ഓയിലും ഉപയോഗിക്കാം.

രണ്ടു സ്പൂണ്‍ കാപ്പിപ്പൊടിയും ഒരു സ്പൂണ്‍ പഞ്ചസാരയും ചേര്‍ത്ത് മുഖത്തു തേയ്ക്കാം. ചര്‍മത്തിന്റെ കരുവാളിപ്പ് മാറ്റുന്നതിന് ഇത് നല്ലതാണ്.

വേനല്‍ക്കാലത്തെ സണ്‍ടാന്‍ മാറ്റാന്‍ പഞ്ചസാര, തൈര്, തേന്‍ എന്നിവ ചേര്‍ത്തുണ്ടാക്കുന്ന മിശ്രിതം നല്ലതാണ്.