കാല്‍പാദത്തിന് സംരക്ഷണം വേണം

ചെരിപ്പുകള്‍ തെരഞ്ഞെടുക്കുമ്പോള്‍ ശ്രദ്ധ വേണം. കട്ടിയുള്ള, മൃദുവല്ലാത്ത ചെരിപ്പുകള്‍ കാല്‍പാദത്തിലെ ചര്‍മത്തേയും കട്ടികൂടിയതാക്കും. മൃദുവായ ചെരിപ്പുകള്‍ തെരഞ്ഞെടുക്കുക.

ഇളം ചൂടുവെള്ളത്തില്‍ ഉപ്പ്, ചെറുനാരങ്ങാ നീര് എന്നിവ കലര്‍ത്തി കാല്‍പാദങ്ങള്‍ ഇറക്കി വയ്ക്കണം. ഇത് പാദത്തിലെ ചര്‍മം കൂടുതല്‍ മൃദുവാക്കും.

ഉപ്പുറ്റി പ്യൂമിക് സ്റ്റോണ്‍ കൊണ്ട് ഉരച്ചു കഴുകുക. പാദം വെള്ളത്തില്‍ ഇറക്കി വച്ച ശേഷം പ്യൂമിക് സ്റ്റോണ്‍ ഉപയോഗിക്കുന്നതാണ് നല്ലത്.

രാത്രി കിടക്കുന്നതിന് മുന്‍പ് കാല്‍പാദത്തിലും ഉപ്പൂറ്റിയിലും മോയിസ്ചറൈസര്‍ പുരട്ടുന്നത് നന്നായിരിക്കും. ഇത് ചര്‍മം മൃദുവാക്കും. പെട്രോളിയം ജെല്ലി പുരട്ടുന്നതും ഗുണം ചെയ്യും. സോക്‌സ് ധരിച്ചു കിടക്കുന്നതും നല്ലതാണ്.

പുറത്തുപോയി വന്ന ശേഷം കാല്‍പാദം വൃത്തിയായി കഴുകാന്‍ മറക്കരുത്. അഴുക്കും പൊടിയും പാദഭംഗി നശിപ്പിക്കും.