സിപിംള്‍ പിംപിള്‍ ട്രീന്റ്‌മെന്റ്

വെള്ളരിക്കാ നീര് നാരങ്ങാനീരുമായി ചേര്‍ത്ത് മുഖത്തു പുരട്ടി നോക്കൂ. മുഖക്കുരവുണ്ടെങ്കില്‍ കുറയും. അടുപ്പിച്ചു ചെയ്താന്‍ മുഖത്തെ പാടുകളും മാറും.

മുഖക്കുരുവിന് ടൂത്ത് പേസ്റ്റും നല്ല ചികിത്സയാണ്. മുഖക്കുരുവിന് മുകളില്‍ ടൂത്ത്‌പേസ്റ്റ് പുരട്ടി പിറ്റേന്ന് കാലത്ത് കഴുകിക്കളയാം.

നാരങ്ങാനീരും പനിനീരും തുല്യഅളവില്‍ എടുത്ത് മുഖത്തു പുരട്ടാം. മുഖക്കുരു കുറയും. മുഖത്തെ പാടുകളും കുറയും.

കര്‍പ്പൂരതുളസി, കൃഷ്ണതുളസി എന്നിവ മുഖക്കുരുവിന് പറ്റിയ നല്ല മരുന്നാണ്. ഇവയുടെ നീര് മുഖത്തു പുരട്ടാം.

വെള്ളത്തില്‍ ആര്യവേപ്പിലയിട്ട് ആവി പിടിക്കുന്നത് മുഖക്കുരു മാറാന്‍ നല്ലതാണ്.

പഴുത്ത തക്കാളി ഉടച്ച് മുഖത്തു പുരട്ടുന്നത് മുഖത്തെ പാടുകള്‍ അകറ്റും. ചര്‍മം മൃദുവാകുകയും ചെയ്യും. പപ്പായയും ഇതുപോലെ ഉപയോഗിക്കാം.

ആപ്പിളിന്റെ പള്‍പ്പും തേനും കൂട്ടിച്ചേര്‍ത്ത് മുഖത്തു പുരട്ടിയാല്‍ മുഖക്കുരു മാറും. മുഖത്തെ പാടുകള്‍ കുറയുകയും ചെയ്യും.

കറ്റാര്‍ വാഴ മുഖക്കുരുവിനും പാടുകള്‍ക്കും പറ്റിയ നല്ലൊന്നാന്തരം മരുന്നാണ്.