കത്രീനയുടെ സൗന്ദര്യരഹസ്യം അറിയൂ

വെള്ളത്തില്‍ തുടങ്ങുന്നതാണ് കത്രീനയുടെ സൗന്ദര്യരഹസ്യമെന്നു പറയാം. നാലു ഗ്ലാസ് വെള്ളം കുടിച്ചാണ് കത്രീന ദിവസം തുടങ്ങുക. നല്ല ചര്‍മത്തിന് വെള്ളത്തിന്റെ പ്രാധാന്യം മനസിലായില്ലേ.

സ്‌കിന്‍ മോയിസ്ചറൈസറായി ആപ്രിക്കോട്ട് ഓയിലും കത്രീന ഉപയോഗിക്കാറുണ്ട്.

ലളിതമായ മേക്കപ്പാണ് കത്രീനക്കിഷ്ടം. എന്നാല്‍ ഉറങ്ങുന്നതിന് മുന്‍പ് മുഖത്തെ എല്ലാ മേക്കപ്പും മാറ്റാറുമുണ്ട്.

മിനറല്‍ മഡ് ഫേസ് പായ്ക്കാണ് അത്യാവശ്യങ്ങളില്‍ ഉപയോഗിക്കാറ്. മുഖം പെട്ടെന്ന് ക്ലീന്‍ ചെയ്യാന്‍ ഇത് സഹായിക്കുമത്രെ.

മസ്‌കാര ഉപയോഗിച്ച് കണ്ണും കണ്‍പീലികളും ഭംഗിയാക്കുന്നത് കണ്ണുകളുടെ ഭംഗി എടുത്തുകാണിക്കുമെന്ന് കത്രീനയുടെ അഭിപ്രായം. പാര്‍ട്ടികളിലും സിനിമയിലും മസ്‌കാര അതുകൊണ്ടുതന്നെ കത്രീന ഉപയോഗിക്കാറുമുണ്ട്.

ശരീരസൗന്ദര്യം പ്രധാനമായതു കൊണ്ടുതന്നെ വ്യായാമവും ഈ സുന്ദരി മുടക്കാറില്ല. ജോഗിംങ്, സ്വിമ്മിംഗ്, ജിം തുടങ്ങിയ വ്യായമമുറകളും കത്രീന ചെയ്യാറുണ്ട്്.