വേനല്‍ക്കാലത്ത് ഫ്രൂട്‌സ് ഫേസ്മാസ്‌ക്

വേനലിന് മുഖത്തിനും വേണം കുളിര്‍മ. കുക്കുമ്പര്‍ ഫേസ് മാസ്‌ക് ഉപയോഗിച്ചു നോക്കൂ. കുക്കുമ്പര്‍ മിക്‌സിയില്‍ അടിച്ച്
പനിനീരു ചേര്‍ത്ത് മുഖത്തിടാം. വരണ്ട ചര്‍മമുള്ളവരാണെങ്കില്‍ അല്‍പം ഗ്ലിസറിനും ചേര്‍ക്കാം. കുക്കുമ്പറിന് പകരമായി വെള്ളരിക്കയും ഉപയോഗിക്കാം.

സ്‌ട്രോബെറി ലഭിക്കുന്ന കാലം കൂടിയാണ്. ഇത് മുഖത്തെ സണ്‍ടാന്‍ കുറയ്ക്കാന്‍ വളരെ നല്ലതാണ്. സ്‌ട്രോബെറി ഉടച്ച് അതില്‍ ഒരു തുള്ളി ഒലീവ് ഓയില്‍, പനിനീര്, പഞ്ചസാര എന്നിവ ചേര്‍ത്ത് മുഖത്തിടാം. വേണമെങ്കില്‍ പാലും ചേര്‍ക്കാം. മുഖം മൃദുവാകും, കരുവാളിപ്പ് മാറും.

സണ്‍ടാന്‍ കുറയ്ക്കാന്‍ പറ്റിയ എളുപ്പത്തിലുണ്ടാക്കാവുന്ന ഫേസ്മാസ്‌കാണ് തൈരും ചെറുനാരങ്ങാനീരും കൂട്ടിച്ചേര്‍ത്തുണ്ടാക്കുന്ന മിശ്രിതം. ഇത് മുഖത്തു പുരട്ടാം. കടലമാവിലും ഇത് ചേര്‍ത്ത് ഉപയോഗിക്കാം.

പപ്പായ ഉടച്ച് പാലും ചെറുനാരങ്ങാനീരും ചേര്‍ത്ത് മുഖത്തിട്ടാല്‍ ഏറെ നല്ലത്. വേണമെങ്കില്‍ പനിനീരും ചേര്‍ക്കാം. ഉണങ്ങിയ ശേഷം കഴുകിക്കളയാം.

തക്കാളി നീരോ പള്‍പ്പോ മുഖത്തു പുരട്ടി 15 മിനിറ്റ് കഴിഞ്ഞ് ആദ്യം അല്‍പം പാല്‍ കൊണ്ട് തുടച്ചുകളയുക. പിന്നീട് തണുത്ത വെള്ളം ഉപയോഗിച്ച് കഴുകാം.

ഇത്തരം മാര്‍ഗങ്ങല്‍ ഉപയോഗിച്ചു നോക്കൂ. നിങ്ങളുടെ ചര്‍മത്തെ തോല്‍പിക്കാന്‍ സൂര്യന് കഴിയില്ല, തീര്‍ച്ച.