ചര്‍മം രക്ഷിക്കാനും ഭക്ഷണം

ഗ്രീന്‍ ടീയിലെ ആന്റി ഓക്‌സിഡന്റുകള്‍ ചര്‍മരോഗം തടയാനുള്ള ഒന്നാന്തരം ഔഷധമാണ്. കോശപാളിക്ക് രോഗങ്ങളില്‍ നിന്നും സംരക്ഷിക്കുന്ന ഒരു കവചമായി ആന്റി ഓക്‌സിഡന്റുകള്‍ പ്രവര്‍ത്തിക്കുന്നു. സൂര്യന്റെ അള്‍ട്രാവയലറ്റ് രശ്മികളില്‍ നിന്ന് ചര്‍മത്തെ സംരക്ഷിക്കാനും ഗ്രീന്‍ ടീ നല്ലതാണ്. ഇത് സ്‌കിന്‍ ക്യാന്‍സര്‍ തടയുന്നതിനും സഹായകമാണ്. വൈറ്റമിന്‍ സി, കെ, ഡി എന്നിവ അടങ്ങിയിരിക്കുന്നതു കൊണ്ട് ഗ്രീന്‍ ടീ മിക്കവാറും ചര്‍മരോഗങ്ങളെ തടുത്തു നിര്‍ത്തും.

ബ്ലൂ ബെറികളിലും ആന്റ്ി ഓക്‌സിഡന്റുകള്‍ അടങ്ങിയിട്ടുണ്ട്. ഇവയും ചര്‍മരോഗങ്ങളെ തടുക്കും. കോശങ്ങള്‍ നശിക്കുന്നത് തടയുന്നതിനും ബ്ലൂബെറി നല്ലതാണ്. ചര്‍മത്തിന് പ്രായം തോന്നാതിരിക്കാന്‍ സഹായിക്കുന്ന നല്ലൊന്നാന്തരം ഭക്ഷണമാണിത്.

ഏറ്റവും കൂടുതല്‍ പോഷകഗുണമുള്ള ഭക്ഷണസാധനങ്ങളുടെ കൂട്ടത്തിലാണ് ക്യാരറ്റിന്റെ സ്ഥാനം. ഇവയിലെ വൈറ്റമിന്‍ എ ചര്‍മം വരണ്ടുപോകുന്നതില്‍ നിന്ന് സംരക്ഷണം നല്‍കും. ക്യാരറ്റില്‍ വൈറ്റമിന് പുറമെ ഫൈബര്‍, പൊട്ടാസ്യം, തയാമിന്‍ എന്നിവ അടങ്ങിയിട്ടുണ്ട്. ഇവ ചര്‍മത്തിന്റെ ആരോഗ്യത്തെ സംരക്ഷിക്കും.

വെള്ളം ഭക്ഷണത്തേക്കാളുപരി ചര്‍മത്തിന്റെ ആവശ്യമാണെന്നു പറയാം. ചര്‍മം വരളാതിരിക്കാനും ചര്‍മകോശങ്ങള്‍ നശിച്ചു പോകാതിരിക്കാനും വെള്ളം അത്യാവശ്യമാണ്.

ഭക്ഷണകാര്യത്തില്‍ ശ്രദ്ധിച്ചാല്‍ മേക്കപ്പ് സാധനങ്ങള്‍ കൂടാതെ തന്നെ ചര്‍മത്തെ ഒരുപരിധി വരെ സംരക്ഷിക്കാന്‍ സാധിക്കും.