സൂര്യാഘാതത്തിന് പരിഹാരവുമുണ്ട്

Skin Care

oi-Saritha

By Veena

Published: Wednesday, February 29, 2012, 14:55 [IST]

വേനല്‍ക്കാലത്ത് എല്ലാവരും നേരിടുന്ന പ്രശ്‌നമാണ് സൂര്യാഘാതം. കടുത്ത വെയിലില്‍ പോയി നിന്നാല്‍ സംഭവിക്കാവുന്ന സാധാരണ ഒന്ന്. സൂര്യാഘാതം മൂലം പലരും മരിക്കുന്ന വാര്‍ത്തകളും സാധാരണം.

കടുത്ത വെയില്‍ ചര്‍മത്തിനേല്‍പ്പിക്കുന്ന പ്രശ്‌നങ്ങളും കുറച്ചൊന്നുമല്ല. ക്യാന്‍സര്‍ പോലുള്ള രോഗങ്ങള്‍ക്ക് പോലും ഇത് വഴിവയ്ക്കും. ശരീരത്തിലുണ്ടാകുന്ന ടാന്‍ അഥവാ കരുവാളിപ്പ് മറ്റൊരു പ്രശ്‌നം.

ചര്‍മത്തെ വെയിലില്‍ നിന്ന് സംരക്ഷിക്കാന്‍ സണ്‍സ്‌ക്രീന്‍ ലോഷനുകള്‍ ഒരുപരിധി വരെ ഗുണം ചെയ്യും. ഇവയല്ലാതെ ഇതിനായി ചെയ്യാവുന്ന ചില പരിഹാരമാര്‍ഗങ്ങളുണ്ട്.

കറ്റാര്‍വാഴയുടെ ജെല്‍ സൂര്യാഘാതം മൂലമുള്ള കരുവാളിപ്പ് തടയാന്‍ നല്ലൊരു വഴിയാണ്. ഇതെടുത്ത് കരുവാളിച്ച ഭാഗത്ത് പുരട്ടുക.

തൈര്, ബാര്‍ലി, മഞ്ഞള്‍പ്പൊടി തുടങ്ങിയവ കൂട്ടിച്ചേര്‍ത്ത് സൂര്യാഘാതമുണ്ടായ ഭാഗത്ത് പുരട്ടാം.

തണുപ്പിച്ച ടീ ബാഗുകള്‍ കരുവാളിപ്പ് മാറ്റും.

ഉരുളക്കിഴങ്ങ്, കുക്കുമ്പര്‍ എന്നിവ അരച്ച് കരുവാളിപ്പു വന്ന ഭാഗത്ത് ഇടുക. ആശ്വാസം ലഭിക്കും.

ഐസ്ബാഗ് സൂര്യാഘാതമേറ്റ ഭാഗത്ത് വയ്ക്കുന്നത് നല്ലതാണ്.

ലാവെന്‍ഡര്‍, വൈറ്റമിന്‍ ഇ ഓയില്‍ എന്നിവ ടാന്‍ മാറ്റാന്‍ നല്ലതാണ്.

മുട്ടവെള്ള, തേന്‍, പാല്‍, ഒലീവ് ഓയില്‍ എന്നിവയുടെ കൂടെ ബാര്‍ലിപ്പൊടിയോ ഗോതമ്പു പൊടിയോ കലര്‍ത്തി സൂര്യാഘാതം ഏറ്റ ഭാഗത്തിടാം. കരുവാളിപ്പ് കുറഞ്ഞു കിട്ടും.