ഫേഷ്യല്‍ വീട്ടില്‍ ചെയ്യാം

തേന്‍ ആരോഗ്യത്തിന് മാത്രമല്ലാ, മുഖസൗന്ദര്യം വര്‍ദ്ധിപ്പിക്കാനും നല്ലതാണ്. ഒരു സ്പൂണ്‍ തേന്‍, ഒരു മുട്ടവെള്ള, ഒരു സ്പൂണ്‍ ഒലീവ് ഓയില്‍ എന്നിവ ചേര്‍ത്ത് മുഖത്തു പുരട്ടുന്നത് ഹണി ഫേഷ്യലിന് തുല്യമായ ഫലം നല്‍കും. ഇതിനൊപ്പം തൈരും വേണമെങ്കില്‍ ചേര്‍ക്കാം.

കുക്കുമ്പര്‍ ഫേഷ്യലിന് കുക്കുമ്പര്‍ അരയ്ക്കണം. ഇതില്‍ നാരങ്ങാനീര്, മുട്ട വെള്ള എന്നിവ ചേര്‍ത്തിളക്കി മുഖത്തു പുരട്ടാം.

പഴുത്ത പഴം തൈരും ഒലീവ് ഓയിലും ചേര്‍ത്തിളക്കി മുഖത്തു പുരട്ടാം. ഇത് നല്ലൊരു ഫേഷ്യല്‍ രീതിയാണ്.

തക്കാളി ഉടച്ചത്, നാരങ്ങാനീര്, ഓട്‌സ് പൊടിച്ചത് എന്നിവ ചേര്‍ത്ത് മുഖത്തു പുരട്ടാം. ഇത് നല്ലൊരു ഫേഷ്യല്‍ രീതിയാണ്.

പപ്പായ ഫേഷ്യലില്‍ പഴുത്ത പപ്പായ ഉടച്ചതും തേനും ചേര്‍ത്ത് മുഖത്തു പുരട്ടാം. ഉണങ്ങുമ്പോള്‍ കഴുകിക്കളയാം.

സ്‌ട്രോബെറി നന്നായി ഉടച്ച് തേന്‍ ചേര്‍ത്ത് മുഖത്തു പുരട്ടുന്നതും സൗന്ദര്യം വര്‍ദ്ധിപ്പിക്കും.

രാസവസ്തുക്കളുടെ ദോഷവശങ്ങള്‍ ഒഴിവാക്കാമെന്നതാണ് ഇത്തരം ഫേഷ്യലുകളുടെ ഗുണം.