മുഖക്കുരു മാറ്റാം, എളുപ്പത്തില്‍

ഇത്തരം പ്രശ്‌നങ്ങള്‍ക്ക് ഓരോ വട്ടവും ഡോക്ടറെ കാണാന്‍ ഓടണമെന്നില്ല. വീട്ടില്‍ തന്നെ ചെയ്യാവുന്ന നിരവധി പൊടിക്കൈകളുണ്ട്. മുഖം വൃത്തിയായി സൂക്ഷിക്കുകയെന്നതാണ് ഇതിനു വേണ്ടി ചെയ്യേണ്ട പ്രധാന കാര്യം. പുറത്തു നിന്നും വന്നാലുടനെ തണുത്ത വെള്ളത്തില്‍ മുഖം വൃത്തിയായി കഴുകണം.

ചര്‍മത്തിലെ രോഗങ്ങള്‍ക്കും അലര്‍ജിക്കുമുള്ള നല്ലൊരു പ്രതിവിധിയാണ് ആര്യവേപ്പ്. ആര്യവേപ്പില അരച്ചു പുരട്ടുന്നതോ ആര്യവേപ്പെണ്ണ പുരട്ടുന്നതോ ഫലം തരും.

മുഖക്കുരുവുണ്ടെങ്കില്‍ ഇവ പൊട്ടിക്കരുത്. ഇത് മുഖത്ത് പാടുകളുണ്ടാക്കുകയും കൂടുതല്‍ മുഖക്കുരു വരുത്തുകയും ചെയ്യും.

മുഖത്ത് ചന്ദനം, രക്തചന്ദനം എന്നിവ അരച്ചിടുന്നതും നല്ലതാണ്. മുഖക്കുരുവിനും മുഖത്തെ അലര്‍ജികള്‍ക്കുമുള്ള സ്വാഭാവിക ചികിത്സയാണിത്.

എണ്ണമയമുള്ള ചര്‍മത്തില്‍ മുഖക്കുരു വരാനുള്ള സാധ്യത കൂടുതലാണ്. മുഖത്തെ എണ്ണമയം കുറയ്ക്കാന്‍ പനിനീര് പുരട്ടുന്നത് നല്ലതാണ്. വരണ്ട ചര്‍മമാണെങ്കില്‍ ഈര്‍പ്പം നിലനിര്‍ത്താനുള്ള ക്രീമുകളോ മോയിസ്ചറൈസറോ പുരട്ടാം. ഇത്തരം ചര്‍മത്തിന് കറ്റാര്‍ വാഴ അടങ്ങിയ ക്രീമുകള്‍ നല്ലതാണ്.

ധാരാളം വെള്ളം കുടിയ്ക്കുക. പഴവര്‍ഗങ്ങളും പച്ചക്കറികളും നല്ല ചര്‍മത്തിന് അത്യന്താപേക്ഷിതമാണ്.