ബ്ലീച്ച് മുഖം പൊള്ളിച്ചെങ്കില്‍...

ബ്ലീച്ച് അസ്വസ്ഥതയോ ചൊറിച്ചിലോ പൊള്ളലോ ഉണ്ടാക്കുകയാണെങ്കില്‍ ആദ്യം ചെയ്യേണ്ടത് തണുത്ത വെള്ളത്തില്‍ മുഖം കഴുകുകയാണ്. ഈ ഭാഗത്ത് ഐസ് കൊണ്ട് തടവുന്നത് നല്ലതാണ്. കറ്റാര്‍വാഴയുടെ ജെല്ലും ഈ പ്രശ്‌നത്തിന് പരിഹാരമുണ്ടാക്കും. കറ്റാര്‍ വാഴയുടെ ജെല്‍ ഐസ്‌ട്രേയില്‍ ഒഴിച്ച് കട്ടയാക്കി വയ്ക്കുന്നതും നല്ലതാണ്.

ചര്‍മത്തിന് അസ്വസ്ഥതയുണ്ടെങ്കില്‍ ഒരു കാരണവശാലും വെയിലത്തിറങ്ങരുത്. അസ്വസ്ഥത കൂടാനും മുഖം കൂടുതല്‍ കരുവാളിക്കാനും കാരണമാകും.

നാളികേര വെള്ളം കൊണ്ട് മുഖം കഴുകുന്നതും നല്ലതാണ്. പൊള്ളല്‍ കുറഞ്ഞു കിട്ടും.

വെള്ളരിക്ക, പാവയ്ക്ക എന്നിവയുടെ ജ്യൂസ് മുഖത്തെ പൊള്ളലുകള്‍ കുറയ്ക്കാനുള്ള നല്ലൊരു വഴിയാണ്.