മുഖത്തെ താരന് വീട്ടില്‍ തന്നെ മരുന്ന്

Published: Wednesday, February 8, 2012, 12:51 [IST]

തലയിലെ താരനെ പറ്റി കേട്ടിട്ടുണ്ടാകും. മുഖത്തും താരന്‍ വരുമെന്നറിയാമോ. മുഖത്തു നിന്ന് വരണ്ട ചര്‍മവും വെളുത്ത പൊടിയും പൊഴിഞ്ഞു വീഴുന്നതാണ് ഈ താരന്റെ ലക്ഷണം. വരണ്ട ചര്‍മമല്ലാ, ചര്‍മത്തില്‍ എണ്ണമയം കൂടുതലുള്ളതാണ് ഇത്തരം താരന് കാരണമെന്നതാണ് രസകരം.

പുരികത്തിലും ചെവിക്കു പുറകിലും മൂക്കിന് ഇരുവശങ്ങളിലുമാണ് സാധാരണയായി താരന്‍ കാണുക. ചിലരില്‍ നെഞ്ചിലും കക്ഷത്തിലും വരെ താരന്‍ കാണപ്പെടാറുണ്ട്. ഇത് വാസ്തത്തില്‍ സെബോറിക് ഡെര്‍മാറ്റിസ് എന്നൊരു ചര്‍മരോഗമാണ്.

മുഖത്തെ താരന് ടെര്‍ബിനാഫൈന്‍, ടാക്രോസിമസ് തുടങ്ങിയ മരുന്നുകള്‍ ഇതിന് ഫലപ്രദമാണ്.

വീട്ടില്‍ തന്നെ ചെയ്യാവുന്ന ചില പരിഹാര മാര്‍ഗങ്ങളും ഇതിനുണ്ട്. ഒരു കപ്പ് തൈരില്‍ കുതര്‍ത്ത ഉലുവ, ആര്യവേപ്പ് പൗഡര്‍, മഞ്ഞള്‍പ്പൊടി എന്നിവ ചേര്‍ത്തരച്ച് പുരട്ടാം. അത് ഉണങ്ങിയ ശേഷം കഴുകിക്കളയാം.

വെളിച്ചെണ്ണ, ഒലീവ് ഓയില്‍ എന്നിവ ചൂടാക്കി അതില്‍ മഞ്ഞള്‍പ്പൊടി, ആര്യവേപ്പു പൊടി എന്നിവ ചേര്‍ത്ത് താരനുള്ള ഭാഗങ്ങളില്‍ പുരട്ടാം.

ആര്യവേപ്പ് താരനും ഫംഗസ് ബാധയ്ക്കുമുള്ള നല്ല പരിഹാരമാര്‍ഗമാണ്.