ഉപ്പുറ്റി വിണ്ടുപൊട്ടുന്നത് ഒഴിവാക്കാം

Skin Care

oi-Saritha

By Veena

Published: Tuesday, January 31, 2012, 11:20 [IST]

ഉപ്പുറ്റി വിണ്ടുകീറുന്നത് പലരെയും അലട്ടുന്ന പ്രശ്‌നമാണ്. കാലിന്റെ ഭംഗി നശിപ്പിക്കുമെന്ന് മാത്രമല്ലാ, കഠിനമായ വേദനയും ഇതുകൊണ്ടുണ്ടാകും. വേണ്ട രീതിയില്‍ ശ്രദ്ധിച്ചില്ലെങ്കില്‍ അണുബാധ വരെയുണ്ടാക്കാന്‍ കഴിയുന്ന ഒരു പ്രശ്‌നമാണിച്.

വരണ്ട ചര്‍മമാണ് ഇവിടെയും അടിസ്ഥാന പ്രശ്‌നം. ചര്‍മം വരളാതെ സൂക്ഷിക്കുവാന്‍ ധാരാളം വെള്ളം കുടിയ്ക്കുകയെന്നത് പ്രധാനമാണ്.

കാല്‍ എപ്പോഴും വൃത്തിയായി സൂക്ഷിക്കുക. പുറത്തു പോയി വന്നാലുടനെ കാല്‍ കഴുകാന്‍ മറക്കരുത്. കാല്‍ പ്യൂമിക് സ്റ്റോണ്‍ ഉപയോഗിച്ച് ഉരച്ചു കഴുകുക. കട്ടിയുള്ള ചര്‍മം പോകുന്നത് ഉപ്പുറ്റി വിണ്ടുകീറുന്നത് കുറയ്ക്കും.

കാല്‍ കഴുകിയാല്‍ ഈര്‍പ്പം മുഴുവനായി പോകുന്നതിന് മുന്‍പ് മോയിസ്ചറൈസറോ പെട്രോളിയം ജെല്ലിയോ പുരട്ടണം.

പാരാഫിന്‍ വാക്‌സ് വെളിച്ചെണ്ണയുമായി ചേര്‍ത്ത് പുരട്ടുന്നതു നല്ലതാണ്. ഇതിന് ശേഷം കാലില്‍ സോക്‌സുകള്‍ ധരിക്കുക. ഇത് ഈര്‍പ്പം കാത്തു സൂക്ഷിക്കും. രാവിലെ ഇത് കഴുകിക്കളയുകയു വേണം.

രാവിലെ എഴുന്നേറ്റ് ചെരിപ്പിടാതെ പുല്ലിനു മുകളിലൂടെ നടക്കുക. ഇത് കാല്‍പാദങ്ങള്‍ക്ക് നല്ലതാണ്. കണ്ണന്റെ കാഴ്ച വര്‍ദ്ധിപ്പിക്കാനും ഇത് സഹായിക്കും.

പാകത്തിനുള്ള ചെരിപ്പും ഷൂസും ധരിക്കുവാന്‍ ശ്രദ്ധിക്കണം. അല്ലെങ്കില്‍ ഇത് കാലുകളെയും ഉപ്പുറ്റിയെയും ബാധിക്കും.

കഴിവതും സമയം സോക്‌സ് ധരിച്ചു നടക്കുക. ഇത് ഉപ്പുറ്റി വിണ്ടു പൊട്ടുന്നത് തടയും.