സൗന്ദര്യസംരക്ഷണം ശരിയായ രീതിയില്‍

Skin Care

oi-Saritha

By Veena

Published: Saturday, January 28, 2012, 13:06 [IST]

സൗന്ദര്യമുള്ളവരെ കാണുമ്പോള്‍ അതുപോലെയായെങ്കില്‍ എന്ന് കരുതുന്നവരുണ്ട്. മറ്റുള്ളവര്‍ നടത്തുന്ന സൗന്ദര്യപരീക്ഷണങ്ങള്‍ മുന്നും പിന്നും ആലോചിക്കാതെ അതേ പോലെ അനുകരിച്ച് അബദ്ധങ്ങള്‍ പറ്റുന്നവരുമുണ്ട്.

മുടിയുടെ കാര്യത്തിലാണ് പലര്‍ക്കും പല അബദ്ധങ്ങളും സംഭവിക്കാറ്. മുടിയില്‍ ചെയ്യാവുന്ന ഫാഷനുകള്‍ ധാരാളം. സ്‌ട്രെയ്റ്റനിംഗ്, കളറിംഗ്, പല തരത്തിലുള്ള ഹെയര്‍ സ്റ്റൈലുകള്‍ എന്നിവ ഇതില്‍ പെടും. ഇവ തങ്ങള്‍ക്ക് ചേരുന്നതാണോ എന്നാലോചിക്കാതെ പലരും ഇത്തരം മാര്‍ഗങ്ങളിലേക്ക് എടുത്തു ചാടാറുണ്ട്. ഇവ പലപ്പോഴും ഉള്ള ഭംഗി കുറയ്ക്കുകയാണ് ചെയ്യുന്നത്. ഇത്തരം കാര്യങ്ങള്‍ ചെയ്യുന്നതിന് മുന്‍പ് ഇതില്‍ വൈദഗ്ധ്യമുള്ളവരുടെ അഭിപ്രായം തേടുന്നതാണ് ബുദ്ധി.

ബ്ലീച്ചിംഗ് ക്രീമുകള്‍ ഉപയോഗിച്ച് വീട്ടില്‍ തന്നെ ബ്ലീച്ച് ചെയ്യുന്നവരുണ്ട്. ഇത് വളരെ കൃത്യമായി ചെയ്തില്ലെങ്കില്‍ ചര്‍മത്തിന് ദോഷമുണ്ടാകാനുള്ള സാധ്യത കൂടുതലാണ്.

പ്രകൃതിദത്ത മാര്‍ഗങ്ങള്‍ ചര്‍മത്തിന് പ്രശ്‌നമുണ്ടാക്കില്ലെന്ന ധാരണ വേണ്ട. ചിലര്‍ക്ക് ചില വസ്തുക്കള്‍ അലര്‍ജിയുണ്ടാകും. ഇത്തരം അലര്‍ജിയുള്ള സാധനങ്ങള്‍ ഒഴിവാക്കുക. അലര്‍ജിയുണ്ടായാല്‍ പാലില്‍ പഞ്ഞി മുക്കി ആ ഭാഗത്ത് തുടയ്ക്കുന്നത് നല്ലതാണ്.

വാക്‌സിംഗ് തനിയെ ചെയ്യുന്നവരുണ്ട്. ഇത് ശരിയായ രീതിയില്‍ ചെയ്തില്ലെങ്കില്‍ ചര്‍മത്തിന് കേടാണ്. മാത്രമല്ലാ, ഹോട്ട് വാക്‌സിംഗ് വേദനയുമുണ്ടാക്കും.

ഏതു തരം സൗന്ദര്യവര്‍ദ്ധക മാര്‍ഗമാണെങ്കിലും ഇതെക്കുറിച്ച് വ്യക്തമായ ധാരണയുണ്ടെങ്കില്‍ മാത്രം തനിയെ ചെയ്യുക. വെളുക്കാന്‍ തേച്ച് വെറുതെ പാണ്ടാകേണ്ടല്ലോ.

സൗന്ദര്യം, ചര്‍മസംരക്ഷണം, മുടിസംരക്ഷണം, ബ്ലീച്ചിംഗ്, വാക്‌സിംഗ്, സ്‌ട്രെയ്റ്റനിംഗ്, കളറിംഗ്, പാല്‍