മഞ്ഞുകാലം പ്രായം കൂട്ടേണ്ട

ഇതിനുള്ള പ്രധാന പ്രതിവിധി മുഖത്തെ മൃതചര്‍മങ്ങള്‍ മാറ്റുകയെന്നതാണ്. മുഖത്ത് ആവി പിടിച്ചും സ്‌ക്രബ് ചെയ്തും ഈ പ്രശ്‌നത്തിന് പരിഹാരം കാണാം.

മുഖത്ത് മോയിസ്ചറൈസര്‍ തേച്ചാല്‍ പോരാ, അമര്‍ത്തി തിരുമ്മുകയും വേണം. ഇത് ചര്‍മം ചൂടാകാനും വരള്‍ച്ച കുറയുവാനും സഹായിക്കും. ഈര്‍പ്പം ചര്‍മത്തിന് അടിയിലേക്ക് എത്തുന്നതിനും ഇത് സഹായിക്കും.

ചര്‍മത്തിന് ഈര്‍പ്പം നല്‍കാന്‍ മോയിസ്ചറൈസര്‍ മാത്രം പോരാ, നല്ലപോലെ വെള്ളം കുടിയ്ക്കുകയും വേണം. തണുപ്പു കാരണം അധികം ദാഹം തോന്നില്ലെങ്കിലും വെള്ളം കുടിയ്‌ക്കേണ്ടത് പ്രധാനം തന്നെ.

സൂര്യപ്രകാശത്തില്‍ നിന്നുള്ള അള്‍ട്രാവയലറ്റ് കിരണങ്ങള്‍ തടയാന്‍ സണ്‍സ്‌ക്രീന്‍ ലോഷനുകള്‍ പുരട്ടേണ്ടത് അത്യാവശ്യം തന്നെയാണ്. അല്ലെങ്കില്‍ വരളുന്നതിനൊപ്പം മുഖം കരുവാളിക്കുകയും ചെയ്യും.

കണ്‍തടം, ചുണ്ട,് കണ്‍പോളകള്‍ തുടങ്ങിയ ഭാഗങ്ങള്‍ പ്രത്യേക ശ്രദ്ധ അര്‍ഹിക്കുന്നു. ഇത്തരം ഭാഗങ്ങളിലെ ചര്‍മം വളരെ മൃദുലവുമാണ്. അതുകൊണ്ട് ഇവിടങ്ങളില് പ്രത്യേകം ശ്രദ്ധ വേണം. ചുണ്ടുകളില്‍ ലിപ്ബാം തേക്കാന്‍ ശ്രദ്ധിക്കുക.

തണുപ്പാണെന്നും ചര്‍മം വരളുമെന്നും പറഞ്ഞ് കുളിക്കാതിരിക്കരുത്. എണ്ണ തേച്ചുള്ള കുളി വരണ്ട ചര്‍മത്തിന് വളരെ പ്രയോജനം ചെയ്യും.

വൈറ്റമന്‍ സി അടങ്ങിയ ഭക്ഷണങ്ങള്‍ കഴിക്കേണ്ടത് മഞ്ഞുകാലത്ത് പ്രധാനമാണ്. ഇത് വരണ്ട ചര്‍മത്തിന് പ്രധാനമാണ്.