ചര്‍മം മൃദുവാകാന്‍ നൈറ്റ് ക്രീം

Skin Care

oi-Saritha

By Veena

Published: Monday, January 23, 2012, 12:08 [IST]

രാത്രി കിടക്കുന്നതിന് മുന്‍പ് മുഖത്തും ദേഹത്തും ക്രീം തേക്കുന്നത് ഗുണമോ ദോഷമോ എന്നതിന് സംബന്ധിച്ച് രണ്ടഭിപ്രായമുണ്ട്. രാത്രി ക്രീം തേച്ചാല്‍ ചര്‍മത്തിന് ആവശ്യമായ വായു ലഭിക്കുന്നതിന് തടസമുണ്ടാകുമെന്ന് ഒരു വിഭാഗം അഭിപ്രായപ്പെടുന്നുമുണ്ട്.

രാത്രി ക്രീം തേക്കുന്നത് ചര്‍മത്തിന് നല്ലതാണ്. എന്നാല്‍ ക്രീം തെരഞ്ഞെടുക്കുന്ന കാര്യത്തില്‍ ശ്രദ്ധ വേണം. രാത്രി ഉപയോഗിക്കാന്‍ സാധിക്കുന്ന നൈറ്റ് ക്രീമുകളുണ്ട്. ഇവ നോക്കി വാങ്ങണം. ഇവയേ ഉപയോഗിക്കാവൂ. ഇത്തരം നൈറ്റ് ക്രീമുകള്‍ രാത്രി പ്രയോജനം ചെയ്യുമെങ്കിലും പകല്‍ പുരട്ടിയാല്‍ ഫലം കണ്ടെന്നു വരില്ല.

നൈറ്റ് ക്രീമുകള്‍ പുരട്ടുന്നത് ചര്‍മത്തിലെ ജലാംശം നിലനിര്‍ത്താന്‍ വളരെ നല്ലതാണ്. ഇത്തരം ക്രീമുള്‍ക്ക് പൊതുവെ കട്ടി കൂടുതലുമാണ്. ഇവ ചര്‍മത്തിനുള്ളിലേക്കിറങ്ങി പ്രവര്‍ത്തിക്കുകയും ചെയ്യുന്നു.

മിക്കവാറും നൈറ്റ് ക്രീമുകളില്‍ വൈറ്റമിനുകളും ആന്റി ഏജിംഗ് ക്രീമുകളുമുണ്ട്. ഇവ ചര്‍മത്തിന് ചെറുപ്പം നല്‍കുകയും ചെയ്യുന്നു.

നൈറ്റ് ക്രീമുകള്‍ ഉപയോഗിക്കുമ്പോള്‍ ശ്രദ്ധിക്കേണ്ട ഒരു പ്രധാന കാര്യമുണ്ട്. ഇവ കണ്‍പോളകള്‍ക്ക് മുകളിലും കണ്‍തടങ്ങളിലും പുരട്ടാതിരിക്കുന്നതാണ് നല്ലത്. ഇവിടത്തെ ചര്‍മം വളരെ മൃദുലമായതു കൊണ്ട് ക്രീമുകള്‍ ചിലപ്പോള്‍ വിപരീതഫലമുണ്ടാക്കും.

ഉറങ്ങുമ്പോള്‍ ദീര്‍ഘമായ ശ്വാസോച്ഛാസം നടക്കുന്നുണ്ട്. ഇത് ചര്‍മത്തില്‍ പുതിയ കോശങ്ങള്‍ ഉല്‍പാദിപ്പിക്കുന്നു. ചര്‍മസൗന്ദര്യം വര്‍ദ്ധിക്കാന്‍ ഇത് കാരണമാവുകയും ചെയ്യുന്നു. അതുകൊണ്ട് നല്ല ഉറക്കവും സൗന്ദര്യത്തിന് പ്രധാനം തന്നെ.