പെര്‍ഫ്യൂം മണം നീണ്ടുനില്‍ക്കാല്‍ പെട്രോളിയം ജെല്

മുഖം വല്ലാതെ വരണ്ടുപോകുന്നുണ്ടെങ്കില്‍ രാത്രി കിടക്കുന്നതിന് മുന്‍പ് മുഖത്ത് പെട്രോളിയം ജെല്ലി പുരട്ടുക. മുഖം വരളുന്നത് കുറയും.

ഉപ്പുറ്റി വിണ്ടുപൊട്ടുന്ന പ്രശ്‌നം കാരണം വിഷമിക്കുന്നവരുണ്ട്. രാത്രി കിടക്കുന്നതിന് മുന്‍പ് പെട്രോളിയം ജെല്ലി ഉപ്പുറ്റിയില്‍ പുരട്ടി സോക്‌സിട്ടു കിടന്നാല്‍ ആശ്വാസം ലഭിക്കും.

നഖങ്ങള്‍ക്ക് തിളക്കം നല്‍കാന്‍ പെട്രോളിയം ജെല്ലി കൊണ്ട് മസാജ് ചെയ്താല്‍ മതി. നഖങ്ങള്‍ പൊട്ടിപ്പോകാതെ തടയാനും പെട്രോളിയം ജെല്ലി ഉപകരിക്കും.

ഐലാഷ് ഭംഗിയാക്കാനും പെട്രോളിയം ജെല്ലി നല്ലതാണ്. മസ്‌കാരയിടുന്നതിന് മുന്‍പ് കണ്‍പീലികളില്‍ പെട്രോളിയം ജെല്ലി തേക്കുന്നത് ഷേപ്പ് നല്‍കും.

കണ്ണെഴുതുന്നതിന് മുന്‍പ് മുകളിലെ കണ്‍പോളയില്‍ പെട്രോളിയം ജെല്ലി പുരട്ടുക. ഇത് കണ്ണുകള്‍ക്ക് തിളക്കം നല്‍കും.

പുരികത്തില്‍ പെട്രോളിയം ജെല്ലി തേച്ച് മസാജ് ചെയ്യുന്നത് നല്ലതാണ്.

പെര്‍ഫ്യൂമിന്റെ മണം കൂടുതല്‍ നേരം നില്‍ക്കണമെങ്കില്‍ പെര്‍ഫ്യൂം അടിക്കുന്നതിന് മുന്‍പ് പെട്രോളിയം ജെല്ലി തേച്ചാല്‍ മതിയാകും.