വരണ്ട ചര്‍മത്തിന് ചില പരിഹാരങ്ങള്‍

Skin Care

oi-Saritha

By Veena

Published: Tuesday, January 24, 2012, 12:10 [IST]

മഞ്ഞുകാലത്ത് മുഖം നോക്കിയാല്‍ പലര്‍ക്കും കണ്ണാടി തന്നെ പൊട്ടിച്ചു കളയുവാന്‍ തോന്നും. കാരണം മറ്റൊന്നുമല്ല, വരണ്ടുണങ്ങിയ ചര്‍മവും അതുകൊണ്ടുള്ള ചുളിവുകളും. ചര്‍മത്തിന് മിനുപ്പും മൃദുത്വവും നല്‍കുമെന്ന് അവകാശപ്പെട്ട് പല ക്രീമുകളും വിപണിയില്‍ ഇറങ്ങുന്നുണ്ടെങ്കിലും പ്രകൃതിദത്തമാര്‍ഗങ്ങളുടെ ഗുണം നല്‍കാന്‍ ഇവയ്‌ക്കൊന്നും കഴിയില്ലെന്നതാണ് സത്യം.

വെളിച്ചെണ്ണ മുഖത്തെ വരള്‍ച്ച മാറ്റാനുള്ള നല്ലൊരു വഴിയാണ്. ചെറുചൂടുള്ള വെളിച്ചെണ്ണ രാത്രി കിടക്കുന്നതിന് മുന്‍പ് മുഖത്തു പുരട്ടി മസാജ് ചെയ്യുന്നത് നന്നായിരിക്കും. കരിക്കിന്‍ വെള്ളവും നാളികേര വെള്ളവും ഉപയോഗിച്ച് മുഖം കഴുകിയാലും ചര്‍മം മൃദുവാകും.

വരണ്ട ചര്‍മത്തിനുള്ള പ്രതിവിധിയാണ് നെയ്യും വെണ്ണയും. പഞ്ഞിയില്‍ അല്‍പം നെയ്യെടുത്ത് മസാജ് ചെയ്യുന്നത് വരള്‍ച്ച മാറ്റും. മാത്രമല്ലാ, ചര്‍മത്തിലെ മൃതകോശങ്ങള്‍ അകറ്റുവാനും ഇത് നല്ലൊരു വഴിയാണ്.

തൈര് ചര്‍മസൗന്ദര്യത്തിനും സംരക്ഷണത്തിനും പറ്റിയ നല്ലൊന്നാന്തരം മാര്‍ഗമാണ്. തണുപ്പിച്ച തൈര് രാവിടെ പുറത്തു പോകുന്നതിന് മുന്‍പോ പാര്‍ട്ടികളില്‍ പങ്കെടുക്കുന്നതിന് മുന്‍പോ മുഖത്തു പുരട്ടാം. അല്‍പനേരം കഴിഞ്ഞ് കഴുകിക്കളഞ്ഞാല്‍ ചര്‍മം മൃദുവാകുമെന്നു മാത്രമല്ലാ, ചര്‍മത്തിലെ അലര്‍ജിയും അസ്വസ്ഥതകളും മാറുകയും ചെയ്യും.

കറ്റാര്‍ വാഴ വരണ്ട ചര്‍മത്തിന് ചെയ്യുന്ന പ്രയോജനം പറയേണ്ടതില്ല. കറ്റാര്‍ വാഴയുടെ ജെല്‍ മുഖത്തു പുരട്ടിയാല്‍ ഈര്‍പ്പം നില നില്‍ക്കും, ചര്‍മത്തിന് മാര്‍ദവം ലഭിക്കുകയും ചെയ്യും.