വാക്‌സിംഗ് വേദന കുറയ്ക്കാം

Skin Care

oi-Saritha

By Veena

Published: Friday, October 21, 2011, 15:55 [IST]

ശരീരത്തിലെ രോമം നീക്കാന്‍ സ്ത്രീകള്‍ക്ക് ഇഷ്ടമാണ്. എന്നാല്‍ ഇതിനായി ചെയ്യുന്ന വാക്‌സിംഗിന്റെ വേദന ആര്‍ക്കും സഹിക്കാനാവില്ല. അതുകൊണ്ട് പല സ്ത്രീകളും രോമം നീക്കാന്‍ റേസര്‍ ഉപയോഗിക്കാറുണ്ട്. എന്നാല്‍ റേസര്‍ ഉപയോഗിക്കുന്നത് നല്ലൊരു പ്രവണതയല്ല. വാക്‌സിംഗിന്റെ വേദന കുറയ്ക്കാന്‍ ചില വഴികളുണ്ട്.

വാക്‌സ് ചെയ്യുന്നതിന് മുന്‍പ് ചര്‍മം മരവിപ്പിക്കുകയാണ് ഒരു വഴി. ബ്യൂട്ടിപാര്‍ലറുകളില്‍ വാക്‌സിംഗിനു മുന്‍പ് ചര്‍മം മരവിപ്പിക്കുവാനുള്ള ക്രീം തേയ്ക്കാറുണ്ട്. മുഴുവനായും മാറില്ലെങ്കിലും വേദന കുറയ്ക്കുവാന്‍ ഇത്തരം ക്രീമുകള്‍ സഹായിക്കും. ഇത്തരം ക്രീം ഉപയോഗിക്കുകയോ വാക്‌സിംഗിന് അരമണിക്കൂര്‍ മുന്‍പ് ആസ്പിരിന്‍ ഗുളിക കഴിക്കുകയോ ചെയ്യാം. ആസ്പിരിന്‍ ഒരു പരിധിവരെ വേദന അറിയിക്കാതിരിക്കും.

വാക്‌സിംഗിന് ശേഷം ഐസ് കൊണ്ട് തടവുന്നത് വേദനയും നീറ്റലും കുറയ്ക്കും. വാക്‌സിംഗ് കഴിഞ്ഞാലുടനെ തണുത്ത വെള്ളത്തില്‍ ആ ഭാഗം കഴുകുന്നതും നല്ല മാര്‍ഗമാണ്. ഐസ് വെള്ളം നിറച്ച കുപ്പിയും ഉപയോഗിക്കാം.

കര്‍പ്പൂരതുളസിയുടെ നീര് വാക്‌സ് ചെയ്ത ഭാഗത്ത് പുരട്ടുന്നത് നീറ്റല്‍ കുറയ്ക്കും.

ആദ്യമായി വാക്‌സ് ചെയ്യുമ്പോളാണ് കൂടുതല്‍ വേദന തോന്നുക. അടുപ്പിച്ചടുപ്പിച്ച് വാക്‌സ് ചെയ്യുമ്പോള്‍ ആ ചര്‍മം വാക്‌സിംഗിന് പാകമായിത്തീരും. പിന്നിട് കഠിനമായ വേദന തോന്നുകയില്ല.