നഖം തിളങ്ങാന്‍ ചെറുനാരങ്ങ

നഖത്തില്‍ എപ്പോഴും നെയില്‍ പോളിഷിടുന്നത് നന്നല്ല. ഇത് നഖത്തിന്റെ സ്വാഭാവിക ആരോഗ്യത്തിന് കേടുവരുത്തും. നഖചര്‍മത്തെയും കോശങ്ങളെയും ഇത് വരണ്ടതാക്കുകയും ചെയ്യും. ഇതിന്റെ ഫലമായി നഖത്തിന് ചുറ്റുമുള്ള ചര്‍മം വൃത്തികേടാകും.

ചൂടുവെള്ളത്തില്‍ നഖങ്ങള്‍ മുക്കി വയ്ക്കുന്നത് നഖത്തിന് തിളക്കമുണ്ടാകാന്‍ നല്ലതാണ്. ചെറുനാരങ്ങ കൊണ്ട് നഖത്തില്‍ ഉരസിയാല്‍ നഖത്തിലെ മഞ്ഞനിറം മാറിക്കിട്ടും. ഇത് നഖത്തിന് കൂടുതല്‍ ബലം നല്‍കുകയും ചെയ്യും.

ഒലീവെണ്ണയും നാരങ്ങാനീരും ചേര്‍ത്ത് നഖത്തില്‍ തടവിയാല്‍ നഖത്തിന്റെ തിളക്കം കൂടും.

നഖങ്ങള്‍ വളര്‍ത്തുന്നവര്‍ ആഴ്ചയില്‍ ഒരിക്കലെങ്കിലും നഖം വെട്ടി ആകൃതി നിലനിര്‍ത്തണം. കൂടുതല്‍ നീളത്തില്‍ നഖം വളര്‍ത്തിയാല്‍ പെട്ടെന്ന് ഒടിഞ്ഞു പോകും.

നഖത്തിനടിയില്‍ വൃത്തിയാക്കാന്‍ ഒരു ടൂത്ത് ബ്രഷില്‍ ഷാംപൂ പുരട്ടി നഖം കഴുകാം.

നഖം, വൃത്തി, നെയില്‍ പോളിഷ്, ചര്‍മം, ചൂടുവെള്ളം, ഒലീവ് ഓയില്‍, നാരങ്ങാനീര്, ഷാംപൂ, ചെറുനാരങ്ങ