പുകവലി ചുണ്ടു കറുപ്പിച്ചാല്‍ പരിഹാരവുമുണ്ട്

പുകവരി കാരണം ചുണ്ടിന്റെ നിറം മാറുന്നത് തടയാന്‍ ചില പൊടിക്കൈകളുണ്ട്. നാരങ്ങാനീര് ചുണ്ടില്‍ പുരട്ടുന്നതും നാരങ്ങയുടെ കഷ്ണം അല്‍പനേരം ചുണ്ടില്‍ ഉരസുന്നതും കറുപ്പുനിറം കുറയാന്‍ സഹായിക്കും. നാരങ്ങാനീരും തേനും ചേര്‍ത്ത് ചുണ്ടില്‍ പുരട്ടുന്നതും കറുപ്പു കുറയ്ക്കും.

ചുണ്ടില്‍ ബദാം ഓയിലോ വെളിച്ചെണ്ണയോ പുരട്ടി മസാജ് ചെയ്യുന്നത് മറ്റൊരു മാര്‍ഗമാണ്. ഇത് ചുണ്ടിന്റെ സ്വാഭാവിക നിറം സംരക്ഷിക്കും.

ഗ്ലിസറിന്‍, തേന്‍ മിശ്രിതം ചുണ്ടില്‍ പുരട്ടി 15 മിനിറ്റിന് ശേഷം കഴുകിക്കളയാം. ഇത് ചുണ്ടില്‍ പുകയേല്‍പ്പിക്കുന്ന കരുവാളിപ്പ് മാറ്റും.

പഴമുടച്ചതും കൂടെ തേന്‍, നാരങ്ങാനീര് എന്നിവ ചേര്‍ത്തും ചുണ്ടില്‍ പുരട്ടുക. ഇത് കറുപ്പുനിറത്തിനുള്ള ഒരു പ്രതിരോധ മാര്‍ഗമാണ്.

ബദം വെള്ളത്തിലിട്ട് കുതിര്‍ത്ത് അരച്ച് തേന്‍, തൈര് എന്നിവ ചേര്‍ത്ത് ചുണ്ടില്‍ പുരട്ടാം. ഇതിന് ശേഷം പാലും പിന്നീട് വെള്ളവും ഉപയോഗിച്ച് കഴുകിക്കളയുക.

മാതളനാരങ്ങ, സ്‌ട്രോബെറി എന്നിവയുടെ ജ്യൂസ് ചുണ്ടില്‍ പുരട്ടുന്നത് പുകവലിയുണ്ടാക്കുന്ന കറുപ്പുനിറം കളയാനുള്ള നല്ലൊരു മാര്‍ഗമാണ്. ഇത് 20 മിനിറ്റ് ചുണ്ടില്‍ തേച്ചുപിടിപ്പിച്ച് കഴുകിയ ശേഷം ഗ്ലിസറിന്‍ പുരട്ടാം. ചുണ്ടിന്റെ സ്വാഭാവിക നിറം തിരിച്ചുകിട്ടാനുള്ള നല്ലൊരു മാര്‍ഗമാണിത്.

ചുണ്ട് വരണ്ടുപോകാതെ സൂക്ഷിക്കേണ്ടത് സ്വാഭാവിക നിറം നിലനിര്‍ത്താനുള്ള നല്ലൊരു മാര്‍ഗമാണ്. ലിപ്ബാം, ഗ്ലിസറിന്‍ തുടങ്ങിയവ ഇതിനുള്ള മാര്‍ഗങ്ങളാണ്.