ടൂത്ത്ബ്രഷ് ചര്‍മസംരക്ഷണത്തിനും

Skin Care

oi-Saritha

By Veena

Published: Monday, October 10, 2011, 12:49 [IST]

മുഖക്കുരുവും മുഖത്തെ കറുത്തപാടുകളും വടുക്കളും ആരുടെയും ഉറക്കം കെടുത്തും. ഇവയ്ക്കിന്ന് നിരവധി ചികിത്സകളും നിലവിലുണ്ട്. വീട്ടില്‍ത്തന്നെ ഇവയ്‌ക്കെതിരെ നമുക്കു ചെയ്യാവുന്ന നിരവധി കാര്യങ്ങളുണ്ട്. എന്നാല്‍ പല്ലു തേയ്ക്കാനുപയോഗിക്കുന്ന ടൂത്ത് ബ്രഷ് സൗന്ദര്യസംരക്ഷണത്തിനും മുഖത്തെ പാടുകള്‍ നീക്കുന്നതിനും സഹായകമാണെന്നറിയാമോ? ടൂത്ത് ബ്രഷ് സൗന്ദര്യസംരക്ഷണത്തിന് ശരിയായ രീതിയില്‍ എങ്ങനെ ഉപയോഗിക്കാമെന്ന് നോക്കൂ;

ടൂത്ത് ബ്രഷ് സൗന്ദര്യസംരക്ഷണത്തിനുപയോഗിക്കുമ്പോള്‍ ആദ്യം ശ്രദ്ധിക്കേണ്ടത് മൃദുവായ ബ്രഷുകള്‍ തെരഞ്ഞെടുക്കുകയെന്നതാണ്. നമ്മുടെ മുഖചര്‍മം വളരെ മൃദുവാണ്. കാഠിന്യമുള്ള ടൂത്ത് ബ്രഷ് ഉപയോഗിക്കുന്നത് മുഖചര്‍മത്തിന് നല്ലതല്ല. ബേബി ബ്രഷ് ഉപയോഗിക്കുകയായിരിക്കും ഏററവും നല്ലത്.

മുഖത്തും കഴുത്തിലും വീര്യം കുറഞ്ഞ സ്‌ക്രബ് തേച്ച് ടൂത്ത് ബ്രഷ് വച്ച് മൃദുവായി ഉരയ്ക്കാം. കറുത്തപാടുകളും കഴുത്തിലെ കറുത്ത നിറവും കുറയും.

വീട്ടില്‍ തന്നെ മാനിക്യൂറും പെഡിക്യുറും ചെയ്യുമ്പോള്‍ ടൂത്ത് ബ്രഷ് ഉപയോഗിക്കാം. നഖങ്ങള്‍ക്കിടയിലും കാലിനടിയിലെ ചര്‍മവും വൃത്തിയാക്കാന്‍ ടൂത്ത്ബ്രഷ് ഏറെ നല്ലതാണ്.

കൈ, കാല്‍മുട്ടുകളിലെ ചര്‍മം കൂടുതല്‍ കട്ടിയുള്ളതാണ്. ടൂത്ത് ബ്രഷ് ഉപയോഗിച്ച് ഇവിടെ ഉരയ്ക്കുന്നത് ചര്‍മത്തെ മൃദുലമാക്കും.

ടൂത്ത് ബ്രഷ് അധികകാലം സ്‌ക്രബ് ചെയ്യാന്‍ ഉപയോഗിക്കുന്നത് നല്ലതല്ല. വയസേറുന്തോറും നമ്മുടെ മുഖത്തെ ചര്‍മം കൂടുതല്‍ തൂങ്ങിപ്പോരാന്‍ ഇത് ഇട വരുത്തും. ഏറെക്കാലത്തെ ഉപയോഗം മുഖചര്‍മത്തെ വരണ്ടതാക്കുകയും ചെയ്യും.

മുഖത്ത് ടൂത്ത് ബ്രഷ് കൊണ്ടു സ്‌ക്രബ് ചെയ്ത ശേഷം എപ്പോഴും ഏതെങ്കിലും നല്ല മോയിസ്ചറൈസര്‍ ഉപയോഗിക്കുക.

അമിതമായി മുഖക്കുരുവുളളവര്‍ ടൂത്ത് ബ്രഷ് മുഖത്ത് ഉരയ്ക്കരുത്. ടൂത്ത് ബ്രഷ് ഉപയോഗത്തിലൂടെ മുഖത്ത് പുതുതായി മുഖക്കുരു വരികയാണെങ്കില്‍ ഇത് ഉപയോഗിക്കുന്നത് നിര്‍ത്തുക.