കഴുത്തിനും വേണം സൗന്ദര്യസംരക്ഷണം

Skin Care

oi-Saritha

By Veena

Published: Monday, October 3, 2011, 12:55 [IST]

ഭംഗിയുള്ള കഴുത്ത് സൗന്ദര്യസങ്കല്‍പത്തില്‍ പ്രധാന പങ്കുവഹിക്കുന്നു. കഴുത്തില്‍ പലരിലും കറുത്ത നിറവും കുത്തുകളും കാണാം. ആഭരണമിടുന്നതു കാരണമുള്ള പാടുകളും പൊടി കാരണമുള്ള അഴുക്കും പലരിലും കഴുത്ത് വികൃതമാക്കുകയും മുഖസൗന്ദര്യം തന്നെ നഷ്ടപ്പെടുത്തുകയും ചെയ്യുന്നു. അല്‍പമൊന്നു ശ്രദ്ധിച്ചാല്‍ കഴുത്തും ഭംഗിയാക്കാവുന്നതേയുള്ളൂ

കഴുത്തിലെ മൃതകോശങ്ങളെ നീക്കം ചെയ്യണം. ഇതിനായി ചെറിയ മൃദുവായ ബ്രഷ് ഉപയോഗിച്ച് കഴുത്തില്‍ ഉരയ്ക്കാം. ഇത് ലിംഫാറ്റിക് ഗ്ലാന്റുകള്‍ക്ക് പുതുജീവന്‍ നല്‍കും. ഇടയ്ക്കു ബ്ലീച്ച് ചെയ്യുന്നതും കഴുത്തിന് നിറം നല്‍കും.

മുഖത്തു പുരട്ടുന്ന ക്രീമോ ബോഡി ലോഷനോ കഴുത്തിലും പുരട്ടുക. കഴുത്ത് മൃദുവാകും.

ചൂടുവെളളത്തില്‍ തുണി മുക്കിപ്പിഴിഞ്ഞ് കഴുത്തില്‍ തുടക്കുന്നത് കഴുത്തിലെ കറുപ്പ് കുറക്കും. കഴുത്തിനു ചുറ്റുമുളള കൊഴുപ്പു നീക്കം ചെയ്യാനും ഇത് സഹായിക്കും.

കഞ്ഞിവെള്ളം കഴുത്തിനു ചുറ്റും പുരട്ടി പതിനഞ്ചു മിനിറ്റിനു ശേഷം കഴുകിക്കളയുന്നത് കറുപ്പു കുറക്കും.

ഉലുവായില അരച്ച് പിഴിഞ്ഞെടുത്ത് അതില്‍ കടലമാവോ അല്ലെങ്കില്‍ പയര്‍പൊടിയോ കലര്‍ത്തി കഴുത്തില്‍ തേക്കുക. പതിനഞ്ചു മിനിറ്റിനു ശേഷം കഴുകിക്കളയാം.

കുളിക്കുന്നതിനു മുന്‍പ് കഴുത്തില്‍ എണ്ണ പുരട്ടി തടവുന്നതോ ബോഡി ലോഷനില്‍ വെള്ളം ചേര്‍ത്ത് തടവുന്നതോ നല്ലതാണ്.

വിനാഗരി തരിയുളള ഗോതമ്പുപൊടിയില്‍ കലര്‍ത്തി കഴുത്തില്‍ തേച്ച്് ഉണങ്ങുമ്പോള്‍ കഴുകിക്കളയണം. മുള്‍ത്താണിമിട്ടി പനിനീരില്‍ കലര്‍ത്തി പുരട്ടുന്നതും നല്ലതാണ്.

ചെറുനാരങ്ങാനീരില്‍ മഞ്ഞള്‍പൊടിയും ഉപ്പും കലര്‍ത്തി കഴുത്തില്‍ തേക്കുന്നത് കഴുത്തിനു നിറം നല്‍കും.

കഴുത്തില്‍ തൈര് തേച്ച് ഉരക്കുക. അതിനു ശേഷം പാലും പിന്നീട് വെളളവുമുപയോഗിച്ച് കഴുകുക. കഴുത്തിന് സ്വാഭാവികനിറം ലഭിക്കാന്‍ ഇതു സഹായിക്കും.