കരുവാളിപ്പ് അകറ്റാന്‍ പനിനീര്

Skin Care

oi-Saritha

By Veena

Published: Monday, December 19, 2011, 14:31 [IST]

പനിനീര് സൗന്ദര്യസംരക്ഷണത്തിന് വളരെ ഫലപ്രദമാണ്. ദിവസവും ഇത് ചര്‍മത്തില്‍ പുരട്ടുന്നത് പല അലര്‍ജികള്‍ക്കും പരിഹാരമാകും. പല രീതിയിലും പനിനീര്‍ സൗന്ദര്യസംരക്ഷണത്തിന് ഉപയോഗിക്കാം.

അരോമ തെറാപ്പിയില്‍ പനിനീര് ഉപയോഗിക്കാറുണ്ട്. ഇത് ചര്‍മസംരക്ഷണത്തിന് മാത്രമല്ലാ, ടെന്‍ഷന്‍ അകറ്റാനും നല്ല ഉറക്കം നല്‍കാനും സഹായിക്കുന്നുണ്ട്. ഇതാണ് അരോമ തെറാപ്പിയില്‍ പനിനീര് ഉപയോഗിക്കാന്‍ കാരണം.

ടോണറായും പനിനീര് ഉപയോഗിക്കാം. ഇത് കിടക്കുന്നതിന് മുമ്പ് ചര്‍മത്തില്‍ പുരട്ടുന്നത് ചര്‍മസുഷിരങ്ങള്‍ തുറക്കുവാനും മുഖം വൃത്തിയാക്കാനും സഹായിക്കും.

മുഖക്കുരു മാറാനും പനിനീര് നല്ലതാണ്. ഇതിന് അണുബാധ തടയാനുള്ള കഴിവുമുണ്ട്. മുഖത്തെ എണ്ണമയവും അഴുക്കും നീക്കം ചെയ്യാന്‍ പനിനീര് നല്ലതാണ്. ഇത് ആരോഗ്യകരമായ ചര്‍മത്തിന് വഴിയൊരുക്കുകയും ചെയ്യും.

സൂര്യാഘാതം നടയാന്‍ പനിനീര് നല്ലതാണ്. നല്ല വെയിലുള്ളപ്പോള്‍ ഇത് ചര്‍മത്തില്‍ പുരട്ടുന്നത് കരുവാളിപ്പ് അകറ്റും. ബാക്ടീരിയകളെ അകറ്റാനുള്ള പനിനീരിന്റെ കഴിവ് അലര്‍ജിയും ചര്‍മത്തിനുണ്ടാകുന്ന മറ്റ് അസ്വസ്ഥതകളും ഒഴിവാക്കും.