ബ്ലാക്‌ഹെഡ്‌സ് മാറാന്‍ ചില വഴികള്‍

തേന്‍ ബ്ലാക്‌ഹെഡ്‌സ് അകറ്റാന്‍ സഹായിക്കുന്ന ഒന്നാണ്. തേന്‍ ചൂടാക്കി പാകത്തിനുള്ള ചൂടോടെ തന്നെ ബ്ലാക് ഹെഡ്‌സിനു മുകളില്‍ തേക്കുക. 10 മിനിറ്റ് കഴിഞ്ഞ് ഇത് മൃദുവായ ഒരു ടവല്‍ കൊണ്ട് ഉരസുക. ഇങ്ങിനെ അല്‍പദിവസം അടുപ്പിച്ചു ചെയ്യുക.

പഴം മുറിച്ച് ബ്ലാക് ഹെഡ്‌സിനു മുകളില്‍ ഉരസുന്നത് നല്ലൊരു മാര്‍ഗമാണ്. ഇതും അല്‍പദിവസം അടുപ്പിച്ചു ചെയ്താലേ ഗുണമുണ്ടാകുകയുള്ളൂ.

ഗ്രാമ്പൂ പൊടിച്ച് നാരങ്ങാനീരില്‍ ചേര്‍ത്ത് ബ്ലാക് ഹെഡ്‌സിന് മുകളില്‍ പുരട്ടാം. ഇത് 15 മിനിറ്റിനു ശേഷം കഴുകിക്കളയുക. നാരങ്ങാനീരും തേനും ചേര്‍ത്ത് ഇതേ രീതിയില്‍ ഉപയോഗിക്കാം.

മുഖത്ത് ആവി പിടിക്കുന്നത് ബ്ലാക്‌ഹെഡ്‌സ് ഒഴിവാക്കാന്‍ ഏറ്റവും ഫലപ്രദമായ മാര്‍ഗമാണ്. ഇതു കാരണം മുഖത്തെ അഴുക്കു നീങ്ങുകയും സുഷിരങ്ങള്‍ തുറക്കുകയും ചെയ്യും.