ചര്‍മസംരക്ഷണം സ്വാഭാവിക രീതിയില്‍

മുഖം ചൂടുവെള്ളം കൊണ്ടു കഴുകി ഏതെങ്കിലും പൂവില്‍ നിന്നെടുത്ത എണ്ണ പുരട്ടി മസാജ് ചെയ്യുക. ലാവെന്‍ഡര്‍, ജാസ്മിന്‍ ഓയിലുകള്‍ ഉപയോഗിക്കാം.

അല്‍പം കുങ്കുമപ്പൂ നാളികേരപ്പാലുമായി ചേര്‍ത്ത് ചൂടാക്കുക. ഈ മിശ്രിതം കട്ടിയാകുമ്പോള്‍ ഫേസ് പായ്ക്കായി ഉപയോഗിക്കാം.

വെള്ളരിക്കാ നീര്, തണ്ണിമത്തന്‍ ജ്യൂസ്, പാല്‍പ്പാട എന്നിവ ചേര്‍ത്ത് മുഖത്ത തേയ്ക്കാം. പത്തു മിനിറ്റ് കഴിഞ്ഞ് കഴുകിക്കളയാം.

പഴമുടച്ച് തേനും ചേര്‍ത്ത് മുഖത്തു തേയ്ക്കുന്നത് നല്ലതാണ്. ഇത് ചര്‍മം വലിഞ്ഞുതൂങ്ങുന്നത് ഒഴിവാക്കും.

ബദാം അരച്ച് പനിനീരില്‍ ചേര്‍ത്ത് മുഖത്തു പുരട്ടുന്നത് നല്ലൊരു സ്‌ക്രബറിന്റെ ഗുണം തരും. മുഖത്തെ മൃതചര്‍മം ഒഴിവാക്കാന്‍ ഇത് സഹായിക്കും.

ഉരുളക്കിഴങ്ങിന്റെ നീര്. ചെറുനാരങ്ങാനീര്, തൈര് എന്നിവ ചേര്‍ത്ത്് മുഖത്തു പുരട്ടാം. ചര്‍മം മിനുസമാകുകയും തിളക്കമേറുകയും ചെയ്യും.

മുന്തിരി, ഓറഞ്ച് എന്നിവ കഴിയ്ക്കാന്‍ മാത്രമല്ലാ, ഇവയുടെ നീര് മുഖത്തു പുരട്ടുന്നതും ചര്‍മത്തിന് നല്ലതാണ്.