മുഖക്കുരു മാറ്റാന്‍ സ്‌ട്രോബെറി പാക്ക്

സ്‌ട്രോബെറി ഉടച്ച് ഒന്നും ചേര്‍ക്കാതെ തന്നെ മുഖത്തിടാം. പതിനഞ്ചു മിനിറ്റ് കഴിഞ്ഞ് തണുത്ത വെള്ളത്തില്‍ കഴുകിക്കളയുകയും ചെയ്യാം. ഇത് മുഖത്തിന് തിളക്കം നല്‍കും.

തേനും സ്‌ട്രോബെറിയും ചേര്‍ത്ത് ഫേസ് പാക്കുണ്ടാക്കാം. തേന്‍ ചര്‍മത്തിന് ഈര്‍പ്പം നല്‍കുകയും ചര്‍മസുഷിരങ്ങള്‍ തുറക്കുകയും ചെയ്യും. ഈ പാക്ക് മുഖത്തിടുന്നതിന് മുന്‍പ് മുഖം തണുത്ത വെള്ളത്തില്‍ കഴുകണം. ഇത് മുഖത്തിട്ട് നാലഞ്ചു മിനിറ്റ് മസാജ് ചെയ്ത ശേഷം പാലും പിന്നീട് വെള്ളവുമുപയോഗിച്ച് കഴുകിക്കളയാം.

നാരങ്ങാനീര്, തേന്‍, സ്‌ട്രോബെറി എന്നിവ ചേര്‍ത്ത് ഫേസ്പാക്കുണ്ടാക്കാം. ഇത് മുഖത്തിട്ടാല്‍ എണ്ണമയം മാറുകയും മുഖം തിളങ്ങുകയും ചെയ്യും. നല്ല ഫലം ലഭിക്കുവാന്‍ ആഴ്ചയില്‍ രണ്ടുദിവസമെങ്കിലും ഇതാവര്‍ത്തിക്കണം.

പാലും സ്‌ട്രോബെറിയും കൂട്ടിച്ചേര്‍ത്ത് ഫേസ് പാക്കുണ്ടാക്കാം. വേണമെങ്കില്‍ പാല്‍പ്പാടയും ചേര്‍ക്കാം. ഇത് ചര്‍മം അയയാതിരിക്കാനും അങ്ങനെ പ്രായം തോന്നാതിരിക്കാനും സഹായിക്കും.