ആര്യവേപ്പ് സൗന്ദര്യസംരക്ഷണത്തിന്

Skin Care

oi-Saritha

By Veena

Published: Thursday, September 29, 2011, 10:54 [IST]

ആര്യവേപ്പ് ധാരാളം ഔഷധഗുണങ്ങളുള്ള സസ്യമാണ്. നമ്മുടെ വീട്ടുമുറ്റത്തു തന്ന നട്ടുവളര്‍ത്താവുന്ന ആര്യവേപ്പ് ചെലവുകുറഞ്ഞ ആരോഗ്യ,സൗന്ദര്യസംരക്ഷണമാര്‍ഗമാണ്. ആയുര്‍വേദ മരുന്നുകളുടെ മുഖ്യചേരുവയായ ഇവ ത്വക്, മുടിസംരക്ഷണത്തിന് ഏറെ നല്ലതാണ്. ഇതിന്റെ തണ്ടും ഇലകളും ഉപയോഗിക്കാന്‍ സാധിക്കും.

രക്തശുദ്ധീകരണത്തിന് ആര്യവേപ്പ് സഹായിക്കുന്നു. ത്വക് രോഗങ്ങളകറ്റാനും ആര്യവേപ്പ് നല്ലതാണ്. കയ്പുണ്ടെങ്കിലും ആര്യവേപ്പില ദിവസവും കഴിക്കുന്നത് പ്രമേഹം കുറയാനും നല്ലതാണ്.

സൗന്ദര്യവര്‍ദ്ധകവസ്തുക്കളിലും പൗഡറുകളിലും ലേപനങ്ങളിലും ആര്യവേപ്പില ഉപയോഗിക്കുന്നു. ബാക്ടീരിയ, ഫംഗസ്, വൈറസ് എന്നിവയെ ചെറുത്തുനില്‍ക്കാനും ഇവയുടെ ഔഷധഗുണം സഹായിക്കുന്നു.

വേപ്പിലയിട്ട വെളളം കൊണ്ട് മുഖം കഴുകിയാല്‍ മുഖത്തെ പാടുകളും കുത്തുകളും കുറയും. മുഖം ചൊറിഞ്ഞ് ചുവന്നുതടിക്കുന്നത് മാറുന്നതിനും ഈ വെള്ളം നല്ലതാണ്.

ഉണങ്ങിവരണ്ട ചര്‍മം മൃദുവാക്കാന്‍ ആര്യവേപ്പില കലര്‍ന്ന ലേപനങ്ങള്‍ നല്ലതാണ്. വരണ്ട ചര്‍മത്തിനു മാത്രമല്ലാ, എണ്ണമയമുള്ള ചര്‍മം സംരക്ഷിക്കാനും ഇത് ഉപയോഗിക്കാം. നല്ലൊരു ക്ലെന്‍സറിന്റെ ഗുണമാണ് ഇതു ചെയ്യുന്നത്.
ത്വക്കിലുള്ള മുറിപ്പാടുകള്‍ മാറ്റാന്‍ ആര്യവേപ്പെണ്ണയും ലേപനങ്ങളും ഉപകരിക്കും. മുഖക്കുരുവിനും ഇത് നല്ലൊരു മരുന്നാണ്.

ചിക്കന്‍ പോക്‌സ് , വസൂരി എന്നിവയക്ക് ഇത് ഫലപ്രദമായ മരുന്നാണ്. ആര്യവേപ്പിലയിട്ട വെള്ളം കൊണ്ട് കുളിച്ചാല്‍ ഇതുമൂലം ദേഹത്തുള്ള വ്രണങ്ങള്‍ ഉണങ്ങിക്കിട്ടും.