സൗന്ദര്യസംരക്ഷണത്തിന് പാല്‍ ഉപയോഗിക്കൂ

Skin Care

oi-Saritha

By Veena

Published: Tuesday, November 15, 2011, 14:48 [IST]

സൗന്ദര്യറാണിയായ ക്ലിയോപാട്ര പാലിലാണ് കുളിച്ചിരുന്നതെന്ന് കഥകളുണ്ട്. ഇതില്‍ നിന്നു തന്നെ സൗന്ദര്യസംരക്ഷണത്തില്‍ പാലിനുള്ള സ്ഥാനം വ്യക്തമാക്കുന്നു. കുളിക്കുവാന്‍ സാധിച്ചില്ലെങ്കിലും അല്‍പം പാലുപയോഗിച്ച് സൗന്ദര്യം സംരക്ഷിക്കാന്‍ സാധിക്കും. പാലിലുള്ള പ്രോട്ടീന്‍, കാല്‍സ്യം, ലാക്ടോസ്, വൈറ്റമിനുകള്‍, സിങ്ക് എന്നിവ ആരോഗ്യത്തിന് മാത്രമല്ല, ചര്‍മത്തിളക്കത്തിനും നല്ലതാണ്.

സൗന്ദര്യസംരക്ഷണത്തിന് പാല്‍ വിവിധ രീതിയില്‍ ഉപയോഗിക്കാം. ചര്‍മത്തില്‍ പുതുകോശങ്ങള്‍ ഉ ാകുന്നതിനും ചര്‍മം വൃത്തിയാക്കുന്നതിനും അര സ്പൂണ്‍ പാല്‍, ഒരു സ്പൂണ്‍ മഞ്ഞള്‍പ്പൊടി, ഒരു സ്പൂണ്‍ നാരങ്ങാനീര് എന്നിവ ചേര്‍ത്ത് മുഖത്തിടാം. അരമണിക്കൂറിന് ശേഷം കഴുകിക്കളഞ്ഞാല്‍ തിളങ്ങുന്ന ചര്‍മം ലഭിക്കു.

പാലില്‍ ഓറഞ്ച് തൊലി പൊടിച്ചത്, ബദാം പൊടിച്ചത്, ഒലീവ് ഓയില്‍ എന്നിവ ചേര്‍ത്ത് മുഖത്തിട്ടാല്‍ മുഖത്തിന് നിറവും മൃദുത്വവും ലഭിയ്ക്കും.

പാല്‍, തേന്‍, ഉടച്ച പഴം എന്നിവ ചേര്‍ത്ത് മുഖത്തിടാം. ഇത് ഉണങ്ങിയ ശേഷം അല്‍പം പാല്‍ മുഖത്ത് മസാജ് ചെയ്യുക. മുഖത്തിന്റെ വരള്‍ച്ച മാറും.

പ്രായക്കുറവ് തോന്നിക്കുവാനുള്ള നല്ലൊരു മാര്‍ഗമാണ് തേനും പാലും കലര്‍ത്തി മുഖത്ത് തേയ്ക്കുന്നത്. ഇത് അടുപ്പിച്ച് ചെയ്യണം.

പാലിലെ ലാക്റ്റിക് ആസിഡ് മുഖചര്‍മം വൃത്തിയാക്കുവാന്‍ ഏറെ നല്ലതാണ്. ഒരു കഷ്ണം പഞ്ഞി പാലില്‍ മുക്കി മുഖം തുടയ്ക്കുന്നത് മുഖം വൃത്തിയാകുവാന്‍ വളരെ നല്ലതാണ്.