മഞ്ഞുകാലത്ത് പാല്‍പ്പാട ചര്‍മരക്ഷക്ക്

തേനും പാല്‍പ്പാടയും മുതുമുത്തശ്ശിമാരുടെ കാലത്തു മുതലുള്ള സൗന്ദര്യസംരക്ഷണ മാര്‍ഗമാണ്. പാല്‍പ്പാടയും തേനും വേണമെങ്കില്‍ അല്‍പം പാലും കൂട്ടിച്ചേര്‍ത്ത് ക്രീമാക്കി മുഖത്തു പുരട്ടാം. ചര്‍മം വരളില്ല.

പാല്‍പ്പാടയും ചെറുനാരങ്ങാനീരും മഞ്ഞള്‍പ്പൊടിയും കൂട്ടിച്ചേര്‍ത്ത് പുരട്ടിയാല്‍ മുഖത്തിന് നിറം വര്‍ദ്ധിക്കും.

ഓറഞ്ച് തൊലി ഉണക്കിപ്പൊടിച്ച് പാല്‍പ്പാടയും സ്‌ട്രോബെറിയും കൂട്ടിച്ചേര്‍ത്ത് മുഖത്തു തേയ്ക്കുന്നത് നല്ലൊന്നാന്തരം മാര്‍ഗമാണ്. ഇതിന്റെ കൂടെ വേണമെങ്കില്‍ ഓട്‌സ് പൊടിച്ചതും ചേര്‍ക്കാം.

ബദാം ഉപയോഗിച്ചും ഫേസ്പായ്ക്കുണ്ടാക്കാം. ബദാം പൊടിച്ചതും അരിപ്പൊടിയും പാല്‍പ്പാടയും ബട്ടറും കൂട്ടിച്ചേര്‍ത്ത് മുഖത്തു തേക്കാം. ഇത് മുഖത്തു പുരട്ടി 10 മിനിറ്റ് കഴിഞ്ഞ് കഴുകിക്കളയാം. മുഖത്തിന് നിറം വയ്ക്കുകയും ചര്‍മം മൃദുലമാകുകയും ചെയ്യും.