മഞ്ഞുകാലത്ത് ചര്‍മത്തെ സംരക്ഷിക്കാം

Published: Friday, December 23, 2011, 12:13 [IST]

തണുപ്പുകാലത്ത് ചര്‍മത്തിനുണ്ടാകുന്ന പ്രശ്‌നങ്ങള്‍ പലതാണ്. ചര്‍മം വരളുക, ചുളിയുക, ചര്‍മത്തില്‍ മൊരി വരിക തുടങ്ങിയവ തണുപ്പുകാലത്തെ പ്രശ്‌നങ്ങളാണ്. ഈ സമയത്ത് ചര്‍മത്തിന് ചെയ്യാവുന്ന സംരക്ഷണമാര്‍ഗങ്ങളുണ്ട്.

ചര്‍മത്തില്‍ പൊടി പിടിച്ച് വൃത്തികേടാവാന്‍ സാധ്യതയുള്ള ഒരു കാലമാണിത്. ഫേഷ്യല്‍ ക്ലെന്‍സറാണ് ഇതിനുള്ള പ്രതിവിധി. ഒരു സ്പൂണ്‍ നാരങ്ങാനീരും രണ്ടു സ്പൂണ്‍ തൈരും ചേര്‍ത്ത് വീട്ടില്‍ തന്നെ ക്ലെനന്‍സറുണ്ടാക്കാം. ഇത് മുഖത്തു പുരട്ടി മസാജ് ചെയ്ത് പത്തു മിനിറ്റ് കഴിഞ്ഞ് ചൂടുവെള്ളത്തില്‍ കഴുകിക്കളയാം. പഞ്ചസാര തേനില്‍ ചേര്‍ത്തും ക്ലെന്‍സറായി ഉപയോഗിക്കാം.

നാരങ്ങാനീര് ആപ്പിള്‍ സിഡാര്‍ വിനെഗറില്‍ കൂട്ടിക്കലര്‍ത്തി സ്‌കിന്‍ ടോണറായി ഉപയോഗിക്കാം. ഇത് പഞ്ഞിയില് മുക്കി മുഖത്തു പുരട്ടാം. വെള്ളരിക്കാനീര്, കറ്റാര്‍വാഴയുടെ ജെല്‍, വെള്ളം എന്നിവ കൂട്ടിച്ചേര്‍ത്തും സ്‌കിന്‍ ടോണറായി ഉപയോഗിക്കാം.

മുഖത്തിന്റെ വരള്‍ച്ച തടയാന്‍ മോയിസ്ചറൈസര്‍ വീട്ടില്‍ തന്നെ ഉണ്ടാക്കാന്‍ സാധിക്കും. കൊക്കോ ബട്ടറും ഒലീവ് ഓയിലും കറ്റാര്‍ വാഴയുടെ ജെല്ലും കൂട്ടിച്ചേര്‍ത്ത് ഉപയോഗിക്കാം.

മുഖത്തെ മൃതകോശങ്ങള്‍ മാറ്റുന്നതിന് പൊടിച്ച കോണ്‍ഫ്‌ളെക്‌സ്, തേന്‍, പാല്‍ എന്നിവ കൂട്ടിച്ചേര്‍ത്ത് ഉപയോഗിക്കാം.

വിന്റര്‍ സ്‌കിന്‍ കെയര്‍ ലോഷനും വീട്ടില്‍ തന്നെ ഉണ്ടാക്കാം. കുക്കുമ്പര്‍, ബട്ടര്‍ ഫ്രൂട്ട്, കര്‍പ്പൂരതുളസ്, ബെന്‍സോയിന്‍, ഒലീവ് ഓയില്‍ എന്നിവ കൂട്ടിച്ചേര്‍ത്താന്‍ വിന്റര്‍ കെയര്‍ ലോഷനായി.