സൗന്ദര്യസംരക്ഷണത്തിന് ഗ്ലിസറിന്‍

ഗ്ലിസറിന്‍ തനിയെ ഉപയോഗിക്കുന്നതിനേക്കാള്‍ നല്ലത് മറ്റുളളവയുടെ കൂടെ കലര്‍ത്തി ഉപയാഗിക്കുകയാണ്.

ഗ്ലിസറിന്‍ ഒരു സ്പൂണ്‍ തേന്‍, ഒലീവെണ്ണ എന്നിവയുടെ കൂടെ കലര്‍ത്തി തേച്ച് 20 മിനിറ്റു കഴിഞ്ഞ് കഴുകിക്കളയുക. ത്വക്കിന് മിനുസവും എണ്ണമയവും നല്‍കാന്‍ ഇത് നല്ലതാണ്.

വളര്‍ച്ചയെത്തുന്നതിന് മുന്‍പ് ത്വക്കിലെ കോശങ്ങള്‍ പൊഴിഞ്ഞു വീഴുന്ന ഒരു രോഗമാണ് സോറിയാസിസ്. ഗ്ലിസറിന്‍ പുരട്ടുന്നത് ഇതിനു പറ്റിയ ചികിത്സയാണ്. കോശങ്ങള്‍ പൂര്‍ണവളര്‍ച്ച പ്രാപിക്കാന്‍ ഇതു സഹായിക്കും.

പാല്‍പ്പാടയില്‍ ഗ്ലിസറിന്‍ കലര്‍ത്തി ഉറങ്ങുന്നതിന് മുന്‍പ് പുരട്ടിയാല്‍ ചുണ്ടു വരളുന്നത് ഒഴിവാക്കാം.

ഗ്ലിസറിന്‍ നാരങ്ങാനീരില്‍ കലര്‍ത്തി പുരട്ടുന്നത് നല്ലൊന്നാന്തരം മോയിസ്ചറൈസറാണ്.

പനിനീരില്‍ ഗ്ലിസറിന്‍ കലര്‍ത്തി മുഖത്തു പുരട്ടുന്നത് നല്ലതാണ്.

മുട്ടവെള്ള, തേന്‍, ഗ്ലിസറിന്‍ എന്നിവയുടെ മിശ്രിതം മൃതകോശങ്ങളകറ്റാന്‍ നല്ലതാണ്.