ഫ്രൂട്ട്‌ഫേഷ്യല്‍ വീട്ടില്‍ ചെയ്യാം

Skin Care

oi-Saritha

By Veena

Published: Wednesday, October 5, 2011, 11:24 [IST]

മുഖചര്‍മം മൃദുവാക്കാനും ഭംഗിയാക്കാനും ബ്യൂട്ടിപാര്‍ലറുകളിള്‍ സ്ഥിരം ചെയ്യുന്ന ഒന്നാണ് ഫ്രൂട്ട് ഫേഷ്യല്‍. മുഖക്കുരുവും മുഖത്തെ പാടുകളും കലകളും മാററാനും സൂര്യാഘാതം മൂലമുളള കറുപ്പകറ്റാനും ഫ്രൂട്ട് ഫേഷ്യല്‍ ഏറെ നല്ലതാണ്. പഴവര്‍ഗങ്ങള്‍ ഉപയോഗിച്ചുള്ള ഈ ഫേഷ്യല്‍ വീട്ടിലും ചെയ്യാം. ഇതിനായി പാക്കുകള്‍ വീട്ടില്‍ത്തന്നെ തയ്യാറാക്കാം.

1. അവോകാഡോ ഹണി ഫേഷ്യല്‍, ഇതിനായി ഒരു സ്പൂണ്‍ തേനും ഒരു മുട്ടമഞ്ഞയും ഒരു കപ്പ് ഉടച്ച അവോകാഡോയും കൂട്ടിച്ചര്‍ക്കുക. ഇത് മുഖത്തു തേച്ച് 20 മിനിട്ടിനു ശേഷം തണുത്ത വെള്ളമുപയോഗിച്ച് കഴുകിക്കളയാം. വേനല്‍കാലത്തു ചെയ്യാന്‍ പറ്റിയ ഫേഷ്യലാണിത്.

2. ബനാന ഫേഷ്യല്‍, നല്ലവണ്ണം പഴുത്ത പഴവും ഒരു സ്പൂണ്‍ തേനും രണ്ടുമൂന്നു സ്പൂണ്‍ പാല്‍പ്പാടയും ഉപയോഗിച്ചാണ് ഈ ഫേഷ്യലിനുളള പാക്ക് തയ്യാറാക്കുന്നത്. എണ്ണമയമുള്ള ചര്‍മമുളളവര്‍ക്ക് പാല്‍പ്പാടയ്ക്കു പകരം നാരങ്ങാനീര് ഉപയോഗിക്കാം. ഇവ മൂന്നും നല്ലപോലെ കൂട്ടിക്കലര്‍ത്തിയ ശേഷം മുഖത്തിടാം. മുഖം മസാജ് ചെയ്യുകയും വേണം. പഴത്തിലുളള വൈറ്റമിന്‍ എ, ബി, സി, ഇ എന്നിവ ചര്‍മത്തെ മൃദുലമാക്കുന്നു. 15 മിനിറ്റിനു ശേഷം കഴുകിക്കളയാം.

3. സ്‌ട്രോബറി ഫേഷ്യല്‍ സ്‌ട്രോബറി ഉടച്ചതും രണ്ടു സ്പൂണ്‍ തൈരും ഒരു സ്പൂണ്‍ കോണ്‍ സ്റ്റാര്‍ച്ചും ഉപയോഗിച്ചാണ് ഈ ഫേഷ്യല്‍ ചെയ്യുന്നത്. ഇതെല്ലാം കൂട്ടിക്കലര്‍ത്തി മുഖത്തു തേച്ച് 20 മിനിറ്റിനു ശേഷം കഴുകിക്കളയണം. അതിനുശേഷം ഐസ് വെള്ളം കൊണ്ട് മുഖം മസാജ് ചെയ്യണം. സ്‌ട്രോബറിയുള്ള സാലിസൈക്ലിക് ആസിഡ് മുഖം ബ്ലീച്ച് ചെയ്യും. മുഖത്തെ ചുളിവുകള്‍ നീക്കാന്‍ പറ്റിയ ഫേഷ്യലാണിത്.

പീച്ച് ഫേഷ്യല്‍ നല്ലവണ്ണം വിളഞ്ഞ പീച്ചിന്റെ തൊലി കളഞ്ഞ് അത് പൊടിച്ചെടുക്കുക. ഇതിന്റെ കൂടെ മുട്ടവെള്ളയും ഓട്‌സ് പൊടിച്ചതും കൂട്ടിച്ചേര്‍ക്കുക. ഇത് മുഖത്തു തേച്ച് ഉണങ്ങിക്കഴിയുമ്പോള്‍ കഴുകിക്കളയുക. പീച്ചിലെ ആല്‍ഫ ഹൈഡ്രോക്‌സി ആസിഡ് ചര്‍മത്തിലുണ്ടാകുന്ന ചൊറിച്ചിലും വരള്‍ച്ചയും മാറ്റുന്നതിന് ഏറെ നല്ലതാണ്.