മുഖം വെളുക്കാന്‍ സ്‌ട്രോബെറി ഫേഷ്യല്‍

സ്‌ട്രോബെറി ലഭിക്കുവാന്‍ എളുപ്പമല്ലാത്തതു കൊണ്ടു തന്നെ ഇവ ഉപയോഗിച്ചുള്ള ഫേഷ്യല്‍ കൂടുതല്‍ ചെലവേറും. ബ്യൂട്ടി പാര്‍ലറില്‍ പോകാതെ തന്നെ ഇതുപയോഗിച്ച് ഫേഷ്യല്‍ ചെയ്യാം.

സ്‌ട്രോബെറി ഒലീവ് ഓയില്‍, ചെറുനാരങ്ങാ നീര് എന്നിവയുമായി കൂട്ടിച്ചേര്‍ത്ത് മുഖത്തിടാം. ഇത് ചര്‍മം ബ്ലീച്ചു ചെയ്യുകയും ചര്‍മത്തിന്റെ നിറം വര്‍ദ്ധിപ്പിക്കുകയും ചെയ്യുന്നു.

സ്‌ട്രോബെറി തൈരുമായി കൂട്ടിച്ചേര്‍ത്ത് മുഖത്തു പുരട്ടുന്നതും നല്ലൊരു ഫേഷ്യല്‍ രീതിയാണ്.

എണ്ണമയമുള്ള ചര്‍മത്തിന് മഞ്ഞുകാലത്ത് ഏറ്റവും ചേര്‍ന്ന ഒരു ഫേഷ്യല്‍ രീതിയാണിത്.

അക്കായ് ബെറി ഉപയോഗിച്ചുള്ള ഫേഷ്യല്‍ ഏത് ചര്‍മത്തിനും യോജിക്കുമെന്നതാണ് പ്രത്യേകത. മുഖചര്‍മം വരളാതിരിക്കാനും മുഖത്തെ കുരുക്കളും പാടുകളും മാറ്റുവാനും ഇത് നല്ലതാണ്.

അക്കായ് ബെറിയുടെ നീരോ ഇത് ഉണക്കിപ്പൊടിച്ചതോ നാരങ്ങാനീര്, ഏതെങ്കിലും എണ്ണ എന്നിവയില്‍ ചേര്‍ത്ത് മുഖത്തു പുരട്ടിയാല്‍ മുഖത്തെ പാടുകള്‍ എളുപ്പം മാറും.

അക്കായ് ബെറി പൗഡര്‍ റാസ്‌ബെറി, തൈര്, തേന്‍ എന്നിവ ചേര്‍ത്ത് മുഖത്തു പുരട്ടിയാല്‍ മുഖചര്‍മം തിളങ്ങും.

മുട്ട മഞ്ഞ, തേന്‍, ഓട്‌സ്, അക്കായ് ബെറി പൗഡര്‍ എന്നിവ ചേര്‍ത്ത് മുഖത്തു സ്‌ക്രബ് ചെയ്യുന്നത് വരണ്ട ചര്‍മം നീക്കും.

ഗോജി ബെറീസ് ജപ്പാനിലാണ് ഉണ്ടാകുന്നത്. മുഖചര്‍മത്തിന് ഈര്‍പ്പം നല്‍കി പ്രായക്കുറവ് തോന്നിക്കാന്‍ ഈ ബെറി കൊണ്ടുള്ള ഫേഷ്യല്‍ നല്ലതാണ്. ഗോജി ബെറീസ് പഞ്ചസാര, ബദാം ഓയില്‍, പാല്‍പ്പാട എന്നിവ ചേര്‍ത്ത് മുഖത്തു തേച്ച് ഉണങ്ങുമ്പോള്‍ കഴുകിക്കളയാം.

തികച്ചും പ്രകൃതിദത്ത മാര്‍ഗമായതു കൊണ്ട് ഇവ പാര്‍ശ്വഫലങ്ങളുണ്ടാക്കുന്നില്ലെന്നു മാത്രമല്ലാ, ചര്‍മസൗന്ദര്യം വര്‍ദ്ധിപ്പിക്കുകയും ചെയ്യുന്നു.