ബിയര്‍ കുടിക്കുവാനും കുളിക്കുവാനും!

മുടി ബിയര്‍ ഉപയോഗിച്ച് കഴുകിയ ശേഷം ചെറുചൂടുളള വെള്ളം കൊണ്ട് കഴുകുക. സാധാരണ കണ്ടീഷണറുടെ എല്ലാം ഗുണങ്ങളുമുണ്ടാകും.

ബിയര്‍ ആപ്പിള്‍ സിഡാര്‍ വിനാഗിരിയുടെ കൂടെച്ചേര്‍ത്ത് മുടി ഷാംപൂ ചെയ്ത ശേഷം കഴുകുക. മുടിക്ക് നല്ല തിളക്കമുണ്ടാകും. മുടി കട്ടിയില്‍ കിടക്കുകയും ചെയ്യും. ഇത് ബിയര്‍ ഉപയോഗിച്ച് ചെയ്തു വരുന്ന സാധാരണ മുടിസംരക്ഷണമാണ്.

അല്‍പം ബിയര്‍ കുപ്പിയില്‍ ബാക്കി വച്ച് രാത്രി മുഴുവന്‍ തുറന്നു വയ്ക്കുക. പിന്നീട് ഈ കുപ്പിയിലേക്ക് രണ്ട് സ്പൂണ്‍ തേനും മൂന്നുനാലു തുള്ളി നാരങ്ങാനീരു ചേര്‍ക്കുക. പിന്നീട് ഇത് മുടിയില്‍ തേക്കുക. 15 മിനിററിന് ശേഷം കഴുകിക്കളയാം. ഇത് നല്ലൊന്നാന്തരം കണ്ടീഷണറുടെ ഫലം നല്‍കും.

വെള്ളം, നാരങ്ങാനീര്, വിനാഗിരി, ബിയര്‍ എന്നിവ കൂട്ടിച്ചേര്‍ത്ത് മുടി ഷാംപൂ ചെയ്ത ശേഷം തലയില്‍ തേക്കുക. അല്‍പസമയത്തിന് ശേഷം കഴുകിക്കളയാം.

ബിയര്‍, ഷാംപൂ, വെള്ളം എന്നിവ കൂട്ടിച്ചേര്‍ത്ത് തേച്ചാല്‍ മുടിക്ക് കരുത്തും തിളക്കവും ലഭിക്കും.

ബിയറില്‍ ഫോസ്ഫറസ്, പൊട്ടാസ്യം, മഗ്നീഷ്യം, മാല്‍ട്ടോസ് എന്നിവ അടങ്ങിയിട്ടുണ്ട്. ബിയറില്‍ അടങ്ങിയിട്ടുള്ള ബയോട്ടിന്‍ മുടി കൊഴിച്ചില്‍ തടയുകയും താരന്‍ ഒഴിവാക്കുകയും ചെയ്യും. മാല്‍ട്ടോസാകട്ടെ മുടിക്ക് കരുത്തു നല്‍കാന്‍ സഹായിക്കുകയും ചെയ്യുന്നു.