സൗന്ദര്യം വര്‍ദ്ധിപ്പിക്കാന്‍ ജ്യോതിഷം

Skin Care

oi-Saritha

By Veena

Published: Thursday, December 1, 2011, 15:33 [IST]

സൗന്ദര്യം വര്‍ദ്ധിപ്പിക്കാന്‍ നിരവധി മാര്‍ഗങ്ങളുണ്ട്. എന്നാല്‍ ജ്യോതിഷവും സൗന്ദര്യവുമായി ബന്ധമുണ്ടെന്നറിയാമോ. ചില ഗ്രഹങ്ങള്‍ ചര്‍മത്തേയും സൗന്ദര്യത്തേയും സ്വാധീനിക്കുന്നുണ്ട്. ലഗ്നങ്ങളും ചന്ദ്രനും ചര്‍മസൗന്ദര്യത്തെ നല്ലപോലെ സ്വാധീനിക്കുന്നുണ്ട്. പ്രധാനമായും ബുധനാണ് ചര്‍മസൗന്ദര്യത്തിന് കാരണമെന്നാണ് ജ്യോതിഷപ്രകാരം പറയുന്നത്. വ്യാഴവും സൂര്യനും ചര്‍മസംരക്ഷണത്തില്‍ പ്രധാന പങ്കു വഹിക്കുന്നുണ്ട്. ഗ്രഹനിലയും സോഡിയാക് സൈസുകളുമനുസരിച്ച് ചര്‍മത്തെയും സൗന്ദര്യത്തെയും കുറിച്ച് കൂടുതല്‍ മനസിലാക്കാന്‍ സാധിക്കും.

ബുധദശയില്‍ ജനനവും വിര്‍ഗോ, ജെമിനി തുടങ്ങിയ സോഡിയാക് സൈനുകളുള്ളവരും പൊതുവെ നല്ല ചര്‍മത്തോടു കൂടിയുള്ളവരായിരിക്കും. ഇടവ, തുലാരാശികളിലുള്ളവരും നല്ല ചര്‍മമുള്ളവരായിരിക്കും. എന്നാല്‍ ശനിയുടെ അപഹാരമുണ്ടെങ്കില്‍ ചര്‍മത്തില്‍ രോമം അധികമുണ്ടാകാന്‍ സാധ്യതയുണ്ട്. ചില സ്ത്രീകളുടെ മുഖത്ത് രോമമുള്ളതിന് കാരണമായി ജ്യോതിഷം പറയുന്നത് ശനിയുടെ അപഹാരമാണ്.

വരണ്ട, പ്രായാധിക്യമുള്ള ചര്‍മവും ശനി കാരണമാണ് വരുന്നതെന്നാണ് ജ്യോതിഷം. ശനി ചന്ദ്രനുമായി ചേരുമ്പോള്‍ എണ്ണമയമുള്ള ചര്‍മമാണ് ഫലം. പിഗ്മെന്റേഷന്‍, ഫ്രക്കിള്‍സ് എന്നിവ ചൊവ്വയുടെയും ശനിയുടേയും സ്വാധീനം കാരണമാണ്.

സൂര്യന്‍, ചൊവ്വ, ശനി എന്നിവ ചേരുമ്പോഴാണ് മുഖക്കുരു, വടുക്കള്‍, ചര്‍മത്തിന്റെ നിറവ്യത്യാസം എന്നിവയ്ക്ക് കാരണമാകുന്നത്.

വ്യാഴവും ബുധനും ശനി, രാഹു, കേതു എന്നിവയുമായി ചേരുമ്പോഴാണ് പ്രധാനമായും ചര്‍മരോഗങ്ങളുണ്ടാകുന്നത്.

രാഹുവാണ് ചൊറി, ചിരങ്ങ്, വരണ്ട ചര്‍മം എന്നിവക്ക് കാരണമാകുന്നത്.

കേതു കാരണം ചര്‍മത്തില്‍ കറുത്ത പാടുകളുണ്ടാകും. ചിലരുടെ ചര്‍മത്തില്‍ കുഴി പോലെ കാണാം. ചൊവ്വയും കേതുവും കൂടിച്ചേരുമ്പോഴാണ് ഇതുണ്ടാകുന്നത്.

ജനിച്ച രാശിയും ലഗ്നവും അനുസരിച്ച് ഗ്രഹങ്ങള്‍ സൗന്ദര്യത്തെ സ്വാധീനിക്കുന്നുണ്ടെന്നാണ് ജ്യോതിഷം പറയുന്നത്. ഇതനുസരിച്ച് ചര്‍മപ്രശ്‌നങ്ങള്‍ക്ക് പരിഹാരം കണ്ടുപിടിക്കാനും സൗന്ദര്യം സംരക്ഷിക്കാനും സാധിക്കും.

ഫോണിലോ സ്‌കൈപ്പിലോ ജ്യോതിഷന്മാരുരമായി സംസാരിക്കാം