ക്രീമുകള്‍ ഉപയോഗിച്ചാല്‍ ചര്‍മ്മം വരളും

ചര്‍മ്മത്തിന്‌ നിറവും തിളക്കവും കൈവരുമെന്ന പേരില്‍ വിപണിയിലിറങ്ങുന്ന ഒട്ടുമിക്ക ക്രീമുകളും ലോഷനുകളും മറ്റും വാങ്ങി ഉപയോഗിക്കുന്നവരാണ്‌ സ്‌ത്രീകളില്‍ പലരും.

എന്നാല്‍ ഇങ്ങനെ ലേപനങ്ങള്‍ ഉപയോഗിക്കുന്നത്‌ ചര്‍മ്മം വരളാന്‍ കാരണമാക്കുമെന്നാണ്‌ ഗവേഷകയായ ഇസബെല്ല ബുറാക്‌സെസ്‌കാ പറയുന്നത്‌.

ലേപനങ്ങള്‍ മുഖ ചര്‍മ്മത്തിലുണ്ടാക്കുന്ന വ്യത്യാസങ്ങളെക്കുറിച്ചാണ്‌ ഇവര്‍ പഠനം നടത്തിയത്‌. ലേപനങ്ങളിലെ പിഎച്ച്‌ വ്യത്യാസങ്ങള്‍ കൊണ്ട്‌ ചര്‍മ്മത്തിന്‌ കാര്യമായ ഗുണമൊന്നും ഉണ്ടാകുന്നില്ലെന്നാണ്‌ ഇസബെല്ല പറയുന്നത്‌.

വെജിറ്റബിള്‍ ഓയില്‍, മിനറല്‍ ഓയില്‍ എന്നിവയും ഫലത്തില്‍ ചര്‍മ്മത്തിലൊരു വ്യത്യാസവും വരുത്തുന്നില്ലെന്നാണ്‌ ഗവേഷണത്തില്‍ വ്യക്തമായത്‌. ഏഴ്‌ ആഴ്‌ചവരെ വ്യത്യസ്‌ത ഓയിലുകള്‍ ഉപയോഗിച്ചവരിലും ഇസബെല്ല പഠനം നടത്തി. ഇതും വലിയ ഫലം നല്‍കുന്നില്ലെന്നാണ്‌ ഇവര്‍ കണ്ടെത്തിയത്‌.