മുടി കൊഴിച്ചിൽ അകറ്റും റോസ്മേരി ഹെയർ സിറം ഇനി വീട്ടിൽ തയ്യാറാക്കാം

ഇന്ന് മുടിയുടെ ആരോ​ഗ്യം നിലനിർത്തുന്നതിനായി ഏറ്റവുമധികം ആളുകൾ ഉപയോ​ഗിക്കുന്ന ഒരു ഹെയർ സിറമാണ് റോസ്മേരി വാട്ടർ ഹെയർ സിറം. മുടി കൊഴിച്ചിൽ അകറ്റുന്നതിനും, മുടി വളരെ വേ​ഗത്തിൽ വളരുന്നതിനും റോസ്മേരി ഹെയർ സിറം സഹായിക്കുന്നുണ്ട്. കടയിൽ നിന്നും വാങ്ങുന്നതിനും പകരം, ഇത് വീട്ടിൽ തന്നെ തയ്യാറാക്കി എടുക്കാവുന്നതാണ്. എങ്ങനെ തയ്യാറാക്കാം എന്ന് നോക്കാം.

Photo Credit: AI

ചേരുവകൾ

1/2 കപ്പ് വെളിച്ചെണ്ണ, ഒലിവ് ഓയിൽ അല്ലെങ്കിൽ ജോജോബ ഓയിൽ

1/4 കപ്പ് റോസ്മേരി ഓയിൽ

2 ടീസ്പൂൺ വിറ്റാമിൻ ഇ ഓയിൽ

2 ടേബിൾസ്പൂൺ കറ്റാർ വാഴ ജെൽ

തയ്യാറാക്കേണ്ട വിധം

ഈ ഹെയർ സിറം തയ്യാറാക്കുന്നതിനായി ഒരു ചെറിയ പാത്രത്തിൽ ഓയിൽ, റോസ്മേരി എസെൻഷ്യൽ ഓയിൽ, വിറ്റാമിൻ ഇ ഓയിൽ എന്നിവ മിക്സ് ചെയ്യുക. ഇതിലേക്ക് കറ്റാർ വാഴ ജെൽ ചേർത്ത് വീണ്ടും നല്ലതുപോലെ മിക്സ് ചെയ്യുക. അതിനുശേഷം ഈ സിറം ഒന്ന് ചെറുതായി ചൂടാക്കുക. അതിനുശേഷം മറ്റൊരു കുപ്പിയിലേയ്ക്ക് ഒഴിച്ച് ചൂടാറാൻ വെയ്ക്കുക. സിറം തണുത്ത് കഴിയുമ്പോൾ മുടിയിൽ ഉപയോ​ഗിക്കാവുന്നതാണ്.

​ഗുണങ്ങൾ

റോസ്മേരി ഹെയർ സിറം പതിവാക്കുമ്പോൾ ഒട്ടനവധി ​ഗുണങ്ങൾ മുടിയ്ക്ക് ലഭിക്കുന്നുണ്ട്. ഈ ഹെയർ സിറം തലയിലേയ്ക്കുള്ള രക്തയോട്ടത്തെ ഉത്തേജിപ്പിക്കുകയും മുടി വളർച്ചയെ പ്രോത്സാഹിപ്പിക്കുകയും ചെയ്യുന്നു. കൂടാതെ, താരൻ കുറയ്ക്കാൻ സഹായിക്കുന്നു. ഈ സിറത്തിൽ ധാരാളം ആന്റിഓക്സിഡന്റുകൾ അടങ്ങിയിരിക്കുന്നതിനാൽ, മുടിയുടെ ഘടന മെച്ചപ്പെടുത്താനും മുടിയെ ശക്തിപ്പെടുത്താനും മുടിയ്ക്ക് നല്ല തിളക്കം നൽകാനും സഹായിക്കുന്നു. കൂടാതെ, ഈ സിറത്തിൽ ആന്റിഫംഗൽ, ആൻറി ബാക്ടീരിയൽ ഗുണങ്ങൾ അടങ്ങിയിരിക്കുന്നു. ഇത് തലയിലെ താരനും ചൊറിച്ചിലും കുറയ്ക്കാൻ സഹായിക്കുന്നു. കൂടാതെ, വീട്ടിൽ തന്നെ പ്രകൃതിദത്തമായ രീതിയിൽ തയ്യാറാക്കി എടുക്കുന്നതിനാൽ ദോഷവശങ്ങളും ഈ എണ്ണയ്ക്ക് കുറവാണ്. മുടിയുടെ കറുപ്പ് നിറം നിലനിർത്താനും മുടിയെ വേരിൽ നിന്നും ബലപ്പെടുത്താനും. മുടി വളരെ വേ​ഗത്തിൽ നരയ്ക്കുന്നത് കുറയ്ക്കാനും ഈ സിറം സഹായിക്കുന്നു.

ഉപയോ​ഗിക്കേണ്ട വിധം

2-3 തുള്ളി ഓയിൽ എടുത്ത് തലയോട്ടിൽ നല്ലതുപോലെ തേച്ച് പിടിപ്പിക്കാവുന്നതാണ്. അതിനുശേഷം 10 മിനിറ്റ് കഴിയുമ്പോൾ ഷാംപൂ വാഷ് ചെയ്ത് കളയുക. ഇത്തരത്തിൽ ആഴ്ചയിൽ രണ്ട് തവണ വീതം ഉപയോ​ഗിക്കുന്നത് മുടിയുടെ ആരോ​ഗ്യത്തിന് വളരെ നല്ലതാണ്. മുടി കൊഴിച്ചിൽ കുറയ്ക്കാനും സഹായിക്കും. കൃത്യമായ രീതിയിൽ അടുപ്പിച്ച് കുറച്ച് മാസങ്ങളോളം ഉപയോ​ഗിക്കാൻ ശ്രദ്ധിക്കുക.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.