എന്തിന് വൈകിക്കണം, ഇന്ന് തന്നെ മുടി കഞ്ഞിവെള്ളത്തില്‍ കഴുകാം, മാറ്റം തിരിച്ചറിയാം

പലപ്പോഴും കേശസംരക്ഷണത്തിന്റെ കാര്യത്തില്‍ വെല്ലുവിളി ഉയര്‍ത്തുന്ന പല അവസ്ഥകളും ഉണ്ടാവുന്നുണ്ട്. അതില്‍ തന്നെ നാടന്‍ വഴികളാണ് പലരും ഇഷ്ടപ്പെടുന്നതും. അതിന് നിങ്ങളെ സഹായിക്കുന്ന ഒന്നാണ് കഞ്ഞി വെള്ളം. ലളിതവും എന്നാല്‍ ഫലപ്രദവുമായ ഈ പ്രതിവിധി മുടിയെ ശക്തിപ്പെടുത്തുന്നതിനും തിളക്കം നല്‍കുന്നതിനുമെല്ലാം കഞ്ഞി വെള്ളം ഉപയോഗിക്കാം. ഇത് കൊണ്ട് മുടി കഴുകിയാല്‍ മുടി തിളങ്ങും.

വിറ്റാമിനുകളും ധാതുക്കളും കൊണ്ട് സമ്പുഷ്ടമായ കഞ്ഞിവെള്ളം മുടിയുടെ ഇലാസ്തികത മെച്ചപ്പെടുത്തുകയും ഘര്‍ഷണം കുറയ്ക്കുകയും ചെയ്യും. ഇതില്‍ ഇനോസിറ്റോള്‍ എന്ന കാര്‍ബോഹൈഡ്രേറ്റ് അടങ്ങിയിട്ടുണ്ട്, ഇത് കേടായ മുടി നന്നാക്കുകയും ഭാവിയിലെ കേടുപാടുകളില്‍ നിന്ന് മുടിയെ സംരക്ഷിക്കുകയും ചെയ്യുന്നു. കഞ്ഞിവെള്ളത്തിന്റെ പതിവ് ഉപയോഗം മിനുസമാര്‍ന്നതും തിളക്കമുള്ളതുമായ മുടി നല്‍കുന്നു.

ഇഴകളെ ശക്തിപ്പെടുത്തുന്നു
കഞ്ഞിവെള്ളത്തിന്റെ പ്രധാന ഗുണങ്ങളിലൊന്ന് മുടിയുടെ ഇഴകളെ ശക്തിപ്പെടുത്തുന്നത്. കഞ്ഞിവെള്ളത്തില്‍ അടങ്ങിയിരിക്കുന്ന അമിനോ ആസിഡുകള്‍ മുടിയുടെ ഇഴകളെ ശക്തിപ്പെടുത്തുന്നു. ഇത് മുടി പൊട്ടാനുള്ള സാധ്യത കുറയ്ക്കുന്നു. കൂടാതെ, കഞ്ഞിവെള്ളത്തില്‍ കാണപ്പെടുന്ന വിറ്റാമിനുകള്‍ ബി, സി, ഇ എന്നിവ ആരോഗ്യകരമായ മുടി വളര്‍ച്ചയെ പ്രോത്സാഹിപ്പിക്കുകയും ചെയ്യുന്നു.

തലയോട്ടിയുടെ ആരോഗ്യം
തലയോട്ടിയുടെ ആരോഗ്യം മെച്ചപ്പെടുത്താന്‍ കഞ്ഞിവെള്ളത്തിന് കഴിയും എന്നതാണ് മറ്റൊരു നേട്ടം. കഞ്ഞിവെള്ളത്തിലെ ആന്റിഓക്സിഡന്റുകള്‍ തലയോട്ടിയുടെ വീക്കം ശമിപ്പിക്കാനും താരന്‍ കുറയ്ക്കാനും സഹായിക്കുന്നു. ഇത് ആരോഗ്യകരമായ തലയോട്ടിയ്ക്ക് കാരണമാകുന്നു. കൂടാതെ ഇത് നിങ്ങള്‍ക്ക് ശക്തമായ മുടി വളര്‍ച്ചയ്ക്ക് അത്യാവശ്യമാണ്.

എങ്ങനെ തയ്യാറാക്കാം
കഞ്ഞിവെള്ളം തയ്യാറാക്കുന്നതിന് രണ്ട് പ്രധാന രീതികളുണ്ട്. ആ്ദ്യമായി അരി ഒരു പാത്രത്തില്‍ കുതിര്‍ത്ത ശേഷം തിളപ്പിക്കുക. കുതിര്‍ക്കാന്‍, ഒരു കപ്പ് അരി നന്നായി കഴുകി രണ്ട് കപ്പ് വെള്ളമുള്ള ഒരു പാത്രത്തില്‍ വയ്ക്കുക. ശുദ്ധമായ ഒരു പാത്രത്തിലേക്ക് ദ്രാവകം അരിച്ചെടുക്കുന്നതിന് മുമ്പ് ഇത് 30 മിനിറ്റ് വെക്കണം. മറ്റൊന്നാണ് കഞ്ഞിയില്‍ നിന്ന് വെള്ളം ഊറ്റിയെടുക്കുന്നത്. അതിനായി അരി തിളപ്പിച്ച് കഴിഞ്ഞ് ഒരു പാത്രത്തിലേക്ക് അരിച്ചെടുക്കണം. ഇത് പോഷക സമ്പുഷ്ടമായി മുടി കഴുകുന്നതിന് സഹായിക്കുന്നു.

ഉപയോഗിക്കേണ്ട വിധം
മുടി കഴുകുന്നതിന് വേണ്ടി കഞ്ഞിവെള്ളം എപ്രകാരം ഉപയോഗിക്കണം എന്ന് നോക്കാം. അതിനായി ആദ്യം പതിവുപോലെ മുടി ഷാംപൂ ചെയ്യുക. എന്നിട്ട് വേണം കഞ്ഞിവെള്ളം നിങ്ങളുടെ മുടിയില്‍ ഒഴിച്ച് കഴുകാവുന്നതാണ്. എല്ലാ ഇഴകളും ഇതില്‍ കഴുകാവുന്നതാണ്. ഇത് നിങ്ങളുടെ തലയോട്ടിയില്‍ മസാജ് ചെയ്ത് 10-15 മിനിറ്റ് ഇരിക്കാന്‍ അനുവദിക്കുക. ശേഷം മുടി സാധാരണ വെള്ളത്തില്‍ കഴുകാവുന്നതാണ്.

ഉപയോഗിക്കേണ്ടത്
മികച്ച ഫലങ്ങള്‍ക്കായി, ആഴ്ചയില്‍ ഒന്നോ രണ്ടോ തവണ കഞ്ഞിവെള്ളം ഉപയോഗിക്കുക. എ്ന്നാല്‍ കഞ്ഞിവെള്ളത്തിന്റെ അമിതമായ ഉപയോഗം പ്രോട്ടീന്‍ കൂടുതല്‍ ആവുന്ന അവസ്ഥയിലേക്ക് നയിച്ചേക്കാം, ഇത് ചിലര്‍ക്ക് മുടിയില്‍ വരള്‍ച്ചയോ കാഠിന്യമോ ഉണ്ടാക്കാം. നിങ്ങളുടെ മുടി ഈര്‍പ്പമുള്ളതാക്കാന്‍ എപ്പോഴും ഒരു കണ്ടീഷണര്‍ ഉപയോഗിക്കുന്നതിന് ശ്രദ്ധിക്കേണ്ടതാണ്. എന്നാല്‍ ഇത്തരം അവസ്ഥയില്‍ വളരെയധികം ശ്രദ്ധിക്കണം.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.