ചര്‍മ്മം തിളങ്ങും; ഓറഞ്ച് നീരില്‍ ഇവ ചേര്‍ത്ത് പുരട്ടി നോക്കൂ

ചര്‍മ്മ പ്രശ്‌നങ്ങള്‍ അകറ്റുന്നതിനും ചര്‍മ്മം തിളങ്ങുന്നതിനും ഓറഞ്ച് വളരെ ഉത്തമമാണ്. ഓറഞ്ചില്‍ വിറ്റമിന്‍ സി അടങ്ങിയിരിക്കുന്നതിനാല്‍ തന്നെ, ചര്‍മ്മത്തില്‍ നിന്നും മൃതകോശങ്ങള്‍ നീക്കം ചെയ്യുന്നു. ബ്ലാക്ക് ഹെഡ്‌സ്, വൈറ്റ് ഹെഡ്‌സ് എന്നിവ നീക്കം ചെയ്യുന്നതായിരിക്കും. ഇത് ചര്‍മ്മത്തിന് യുവത്വവും തിളക്കവും നല്‍കാന്‍ സഹായിക്കുന്നു. ഓറഞ്ച നീരില്‍ ചില ചേരുവകള്‍ ചേര്‍ത്ത് മുഖത്ത് പുരട്ടിയാല്‍ മുഖത്തിന്റെ തിളക്കം വര്‍ദ്ധിക്കുന്നതാണ്. അവ ഏതെല്ലാമെന്നും, ചര്‍മ്മ സംരക്ഷണത്തിനായി ഓറഞ്ച് ഏതെല്ലൊ വിധത്തില്‍ ഉപയോഗിക്കാമെന്നും നോക്കാം.

Photo Credit: wise

ഓറഞ്ച്- ഗോതമ്പ്

5 ടേബിള്‍സ്പൂണ്‍- ഓറഞ്ച് നീര്
1 ടീസ്പൂണ്‍- ഗോതമ്പ് പൊടി

ഈ രണ്ട് ചേരുവകളും നല്ലതുപോലെ മിക്‌സ് ചെയ്യുക. അതിനുശേഷം മുഖത്ത് കട്ടിയില്‍ പുരട്ടുക. 15 മിനിറ്റ് കഴിയുമ്പോള്‍ മുഖം കഴുകുക. ഇത് എന്നും രാത്രി കിടക്കുന്നതിന് മുന്‍പ് ഉപയോഗിക്കുന്നത് ചര്‍മ്മത്തിന് നല്ലതാണ്.

ഗുണങ്ങള്‍

ചര്‍മ്മത്തില്‍ നിന്നും മൃതകോശങ്ങള്‍ നീക്കം ചെയ്യാന്‍ സഹായിക്കുന്നു. ഓറഞ്ചില്‍ ആന്റിഓക്‌സിഡന്റ്‌സ്, വിറ്റമിന്‍ സി എന്നിവ അടങ്ങിയിരിക്കുന്നതിനാല്‍, ചര്‍മ്മകോശങ്ങളില്‍ നിന്നും അമിതമായിട്ടുള്ള എണ്ണമയം നീക്കം ചെയ്യുന്നതാണ്. ചര്‍മ്മത്തില്‍ നിന്നും അഴുക്ക് നീക്കം ചെയ്യുന്നു. ബ്ലാക്ക് ഹെഡ്‌സ്, വൈറ്റ് ഹെഡ്‌സ് എന്നിവ നീക്കം ചെയ്യുന്നു. ചര്‍മ്മത്തിന് നിറം നല്‍കുന്നു. ചര്‍മ്മത്തില്‍ നിന്നും ചുളിവുകള്‍ ഇല്ലാതാക്കാന്‍ സഹായിക്കുന്നു. ചര്‍മ്മത്തിന് തിളക്കവും മൃദുലതയും നല്‍കുന്നു.

ഓറഞ്ച്- തൈര്

5 ടേബിള്‍സ്പൂണ്‍- ഓറഞ്ച് നീര്
1 ടീസ്പൂണ്‍- തൈര്
1/2 ടീസ്പൂണ്‍- മുള്‍ട്ടാണി മിട്ടി

ഈ മൂന്ന് ചേരുവകളും നല്ലതുപോലെ മിക്‌സ് ചെയ്ത് എടുക്കുക. അതിനുശേഷം മുഖത്ത് പുരട്ടാവുന്നതാണ്. നല്ല കട്ടിയില്‍ പുരട്ടാന്‍ ശ്രദ്ധിക്കുക. വരണ്ട ചര്‍മ്മം ഉള്ളവരാണെങ്കില്‍ കുറച്ച് തേന്‍ ചേര്‍ക്കുന്നത് നല്ലതായിരിക്കും. 15 മിനിറ്റ് കഴിയുമ്പോള്‍ കഴുകി കളയാവുന്നതാണ്.

ഗുണങ്ങള്‍

ഈ ഫേയ്‌സ്പാക്ക് ഉപയോഗിച്ചാല്‍ ചര്‍മ്മത്തിന്റെ മൃദുലത വര്‍ദ്ധിക്കുന്നതാണ്. മുഖത്ത് നിന്നും അമിതമായിട്ടുള്ള എണ്ണമയം നീക്കം ചെയ്യുന്നതാണ്. ചര്‍മ്മത്തിന്റെ തിളക്കം വര്‍ദ്ധിക്കാന്‍ ഇത് സഹായിക്കുന്നതാണ്. ചര്‍മ്മത്തില്‍ നിന്നും മൃതകോശങ്ങള്‍ നീക്കം ചെയ്യുന്നതാണ്. ചര്‍മ്മത്തില്‍ നിന്നും ചുളിവുകളും പാടുകളും ഇല്ലാതാക്കുന്നതാണ്. ചര്‍മ്മം തിളങ്ങുന്നതാണ്.

ഓറഞ്ച്- കടലപ്പൊടി

5 ടേബിള്‍സ്പൂണ്‍ ഓറഞ്ച് നീര്
1 ടേബിള്‍സ്പൂണ്‍- കടലപ്പൊടി

ഈ രണ്ട് ചേരുവകളും നല്ലതുപോലെ മിക്‌സ് ചെയ്യുക. അതിനുശേഷം മുഖത്ത് പുരട്ടുക. 15 മിനിറ്റ് കഴിയുമ്പോള്‍ മുഖം കഴുകാവുന്നതാണ്.

ഗുണങ്ങള്‍

എന്നും രാത്രി കിടക്കുന്നതിന് മുന്‍പ് ഈ ഫേയ്‌സ്പാക്ക് പുരട്ടുന്നത് ചര്‍മ്മകാന്തി വര്‍ദ്ധിപ്പിക്കാന്‍ സഹായിക്കും. ചര്‍മ്മത്തില്‍ നിന്നും ചുളിവുകള്‍ ഇല്ലാതാക്കും. നിറവും തിളക്കവും വര്‍ദ്ധിക്കുന്നതാണ്.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.