ഒരു കഷ്ണം മത്തങ്ങയിൽ തീരാവുന്നതേ ഉള്ളൂ സകല ചർമ്മ പ്രശ്നങ്ങളും

മത്തങ്ങ കഴിക്കുന്നത് ആരോ​ഗ്യത്തിന് വളരെ നല്ലതാണ്. അതുപോലെ തന്നെ, ചർമ്മത്തിന്റെ ആരോ​ഗ്യം സംരക്ഷിക്കാനും മത്തങ്ങ പതിവാക്കുന്നത് വളരെ നല്ലതാണ്. മത്തങ്ങ ഉപയോ​ഗിച്ച് തയ്യാറാക്കുന്ന ഫേയ്സ്പാക്ക് ചർമ്മത്തിൽ ഉപയോ​ഗിച്ചാൽ, നിരവധി ​​ഗുണങ്ങൾ ലഭിക്കുന്നതാണ്. അവ എന്തെല്ലാമെന്ന് നോക്കാം.

Photo Credit: AI

ചേരുവകൾ

മത്തങ്ങ അരച്ചത് അര കപ്പ് എടുക്കുക.
ഒരു ടീസ്പൂൺ തേൻ
ഒരു ടേബിൾസ്പൂൺ തൈര്
ഒരു ടീസ്പൂൺ നാരങ്ങ നീര് എന്നിവ എടുക്കുക.

ഉപയോ​ഗിക്കേണ്ട വിധം

ഒരു പാത്രത്തിൽ, ചതച്ച മത്തങ്ങ, തേൻ, തൈര്, നാരങ്ങ നീര് എന്നിവ ചേർത്ത് മിക്സ് ചെയ്യുക. ഇത് കണ്ണിനു ചുറ്റുമുള്ള ഭാഗം ഒഴിവാക്കിക്കൊണ്ട് ചർമ്മത്തിൽ നല്ലതുപോലെ പുരട്ടുക. 10 അല്ലെങ്കിൽ 15 മിനിറ്റ് കഴിയുമ്പോൾ കഴുകി കളയാവുന്നതാണ്.

​ഗുണങ്ങൾ

മത്തങ്ങയിൽ ആൽഫ-ഹൈഡ്രോക്സി ആസിഡുകളും (എഎച്ച്എ), ബീറ്റാ-ഹൈഡ്രോക്സി ആസിഡുകളും (ബിഎച്ച്എ) അടങ്ങിയിരിക്കുന്നു. അതിനാൽ ഇവ ചർമ്മത്തെ എക്സ്ഫോളിയേറ്റ് ചെയ്യാനും തിളക്കമുള്ളതാക്കാനും സഹായിക്കുന്നു. മത്തങ്ങയിൽ വിറ്റാമിൻ എ, വിറ്റമിൻ സി, പൊട്ടാസ്യം, സിങ്ക് എന്നിവ അടങ്ങിയിട്ടുണ്ട്. ഇത് ചർമ്മത്തിനെ മോയ്സ്ച്വർ ചെയ്യാൻ സഹായിക്കുന്നു. കൂടാതെ, ചർമ്മത്തിലെ ചുളിവുകൾ അകറ്റാനും. ചർമ്മത്തിലെ കുരുക്കളും കറുത്ത പാടുകളും ഇല്ലാതാക്കാനും സഹായിക്കുന്നതാണ്. ചർമ്മത്തിന്റെ യുവത്വം നിലനിർത്താനും ഈ ഫേയ്സ്പാക്ക് സഹായിക്കുന്നു.

ശ്രദ്ധിക്കേണ്ട കാര്യങ്ങൾ

ഈ ഫേയ്സ്പാക്ക് ആഴ്ചയിൽ രണ്ട് ദിവസമെങ്കിലും ഉപയോ​ഗിച്ചാൽ മാത്രമാണ് കൃത്യമായ ഫലം നിങ്ങൾക്ക് ലഭിക്കുകയുള്ളൂ. മത്തങ്ങ ഉപയോ​ഗിക്കുമ്പോൾ വേവിച്ചത് ഉപയോ​ഗിക്കാൻ ശ്രദ്ധിക്കുന്നത് നല്ലതായിരിക്കും. കാരണം, പച്ചയ്ക്ക് മത്തങ്ങ ഉപയോ​ഗിച്ചാൽ, അലർജി പ്രശ്നങ്ങൾ വർദ്ധിച്ചേക്കാം. അതിനാൽ, വേവിച്ച മത്തങ്ങ ഉപയോ​ഗിക്കുക. ഈ ഫേയ്സ്പാക്ക് ഉപയോ​ഗിക്കുന്നതിന്റെ കൂടെ മോയ്സ്ച്വറൈസർ ഉപയോ​ഗിക്കാൻ ശ്രദ്ധിക്കുന്നതും നല്ലതായിരിക്കും. അതുപോലെ, 15 മിനിറ്റിൽ അധികം സമയം ഈ ഫേയ്സ്പാക്ക് മുഖത്ത് പുരട്ടി വെയ്ക്കാതിരിക്കാനും ശ്രദ്ധിക്കുന്നത് നല്ലതാണ്. ദീർഘനേരം വെയ്ക്കുന്നത് ചർമ്മം വരണ്ട് പോകുന്നതിന് കാരണമാണ്.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.