ചര്‍മ്മകാന്തിയ്ക്ക് മാത്രമല്ല, മുടി വളരാനും മഞ്ഞള്‍ ബെസ്റ്റ്

ഒട്ടനവധി ആരോഗ്യ-സൗന്ദര്യ ഗുണങ്ങള്‍ അടങ്ങിയിരിക്കുന്ന ഭക്ഷ്യവസ്തുവാണ് മഞ്ഞള്‍. മഞ്ഞള്‍ പതിവായി കഴിക്കുന്നവരില്‍ രോഗപ്രതിരോധശേഷി വര്‍ദ്ധിക്കുന്നതാണ്. അതുപോലെ, ചര്‍മ്മത്തിന്റെ ആരോഗ്യവും മെച്ചപ്പെടുത്താന്‍ മഞ്ഞള്‍ ഉപയോഗിച്ച് വരുന്നു. എന്നാല്‍, ഇതേ മഞ്ഞള്‍ മുടിയുടെ ആരോഗ്യത്തിനും നല്ലതാണ്. മുടി ഉള്ളോടു കൂടി വളരാന്‍ മഞ്ഞള്‍ ഉപയോഗിക്കേണ്ട രീതി ഏതെല്ലാമെന്ന് നോക്കാം.

Photo Credit: Ai

മഞ്ഞളും പാലും

അര ടീസ്പൂണ്‍- മഞ്ഞള്‍പ്പൊടി
ഒരു കപ്പ്- പാല്‍
1 ടേബിള്‍സ്പൂണ്‍- തേന്‍

മൂന്ന് ചേരുവകളും നല്ലതുപോലെ മിക്‌സ് ചെയ്ത് ഒരു ദിവസം രണ്ട് നേരം എന്ന കണക്കില്‍ കഴിക്കാവുന്നതാണ്. ഇത്തരത്തില്‍ പതിവായി കഴിക്കുന്നത് ചര്‍മ്മത്തിന്റെ ആരോഗ്യത്തിനും നല്ലതാണ്. അതുപോലെ, മുടിയുടെ ആരോഗ്യത്തിനും നല്ലതാണ്.

ഇഞ്ചിയും മഞ്ഞളും

1 ഇഞ്ച് കഷ്ണം- ഇഞ്ചി
അര ടീസ്പൂണ്‍- മഞ്ഞള്‍പ്പൊടി
1 കപ്പ്- വെള്ളം

മൂന്ന് ചേരുവകളും ചേര്‍ത്ത് 5 മുതല്‍ 7 മിനിറ്റ് തിളപ്പിക്കുക. അതിനുശേഷം സാവധാനത്തില്‍ കുടിക്കാവുന്നതാണ്. ദിവസത്തില്‍ രണ്ട് നേരം വീതം കുടിക്കുക.

കരിക്കിന്‍ വെള്ളവും മഞ്ഞളും

അര ടീസ്പൂണ്‍- മഞ്ഞള്‍പ്പൊടി
1 കപ്പ്- കരിക്കിന്‍ വെള്ളം
1 ടേബിള്‍സ്പൂണ്‍- തേന്‍

മൂന്ന് ചേരുവകളും നല്ലതുപോലെ മിക്‌സ് ചെയ്ത് ദിവസേന രണ്ട് നേരം വീതം കുടിക്കുന്നത് നല്ലതാണ്.

ഗുണങ്ങള്‍

ഈ പാനീയങ്ങള്‍ ദിവസവും കുടിച്ചാല്‍ ശരീരത്തിലെ വീക്കവും നീരും കുറയ്ക്കാന്‍ സഹായിക്കുന്നതാണ്. ശരീരത്തില്‍ വീക്കം വര്‍ദ്ധിക്കുമ്പോള്‍ മുടി കൊഴിച്ചില്‍ വര്‍ദ്ധിക്കാനുള്ള സാധ്യത അമിതമാണ്. അതുപോലെ ഈ പാനീയങ്ങളില്‍ ആന്റിഓക്‌സിഡന്റ്‌സ് ധാരാളം അടങ്ങിയിരിക്കുന്നു. അതിനാല്‍, മുടി വേരില്‍ നിന്നും ഉറപ്പിക്കാന്‍ ഇത് സഹായിക്കുന്നതാണ്. കൂടാതെ, മഞ്ഞളിലും തേനിലുമെല്ലാം അടങ്ങിയിരിക്കുന്ന ആന്റിഫംഗല്‍, അതുപോലെ, ആന്റിബാക്ടീരിയല്‍ ഘടകങ്ങള്‍ തലയില്‍ നിന്നും താരന്‍ ഇല്ലാതാക്കാന്‍ സഹായിക്കുന്നതാണ്. കൂടാതെ, സ്‌ട്രെസ്സ് കുറയ്ക്കാനും ഈ വെള്ളം സഹായിക്കുന്നു. അമിതമായി സ്‌ട്രെസ്സ് അനുഭവപ്പെടുന്നത് മുടി കൊഴിച്ചിലിന് കാരണമാണ്. അതിനാല്‍, മേല്‍ പറഞ്ഞ ഏതെങ്കിലും ഒരു വെള്ളം പതിവാക്കുന്നത് മുടിയുടെ ആരോഗ്യം സംരക്ഷിക്കാന്‍ സഹായിക്കും.

ശ്രദ്ധിക്കേണ്ട കാര്യങ്ങള്‍

ചില ചര്‍മ്മ രോഗങ്ങള്‍ വര്‍ദ്ധിക്കുമ്പോള്‍ മുടി കൊഴിച്ചില്‍ വര്‍ദ്ധിക്കാനുള്ള സാധ്യത വളരെ കൂടുതലാണ്. ഇത്തരം പ്രശ്‌നങ്ങള്‍ നിങ്ങള്‍ക്ക് ഉണ്ടെങ്കില്‍ ഒരു ഡോക്ടറുടെ അഭിപ്രായം തേടുന്നത് നല്ലതായിരിക്കും. ശരീരത്തില്‍ ഉണ്ടാകുന്ന പോഷകക്കുറവും മുടി കൊഴിച്ചിലിന് കാരണമാണ്. അതിനാല്‍, ശരിയായ വിധത്തിലുള്ള ആഹാരങ്ങള്‍ പതിവാക്കാനും ശ്രദ്ധിക്കുക. മുടിയെ കൃത്യമായ രീതിയില്‍ പരിചരിക്കാനും മറക്കരുത്. അതുപോലെ ഈ ഡ്രിങ്ക്സ് പതിവായി അടുപ്പിച്ച് രണ്ട് മാസമെങ്കിലും ഉപയോ​ഗിക്കാൻ ശ്രദ്ധിക്കുക. എന്നാല്‍ മാത്രമാണ് ആരോഗ്യകരമായ മുടി നിങ്ങള്‍ക്ക് സ്വന്തമാക്കാന്‍ സാധിക്കുക.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.