തമന്ന പറയാന്‍ ബാക്കിവെച്ചത്....

കോസ്‌മെറ്റിക്‌സിനോട് വിട

പല തരത്തിലുള്ള രാസവസ്തുക്കള്‍ അടങ്ങിയ കോസ്‌മെറ്റിക്കുകള്‍ ഉപയോഗിക്കാറില്ലെന്ന് തമന്ന. അതു തന്നെയാണ് തന്റെ സൗന്ദര്യത്തിന്റെ പ്രധാന രഹസ്യമെന്നും തമന്ന പറയുന്നു. കൂടെ അഭിനയിക്കുന്നവര്‍ വരെ തന്നോട് ചോദിച്ചിട്ടുണ്ട് എന്താണ് സൗന്ദര്യ രഹസ്യമെന്ന് എന്നാല്‍ എല്ലാവരോടും ഈ ഒരു ഉപദേശം മാത്രം നല്‍കാറുള്ളെന്നും തമന്ന.

ചര്‍മ്മ സംരക്ഷണത്തിന് പ്രത്യേക ശ്രദ്ധ

ചര്‍മ്മ സംരക്ഷണത്തിന് പ്രത്യേക ശ്രദ്ധ നല്‍കുമെന്ന് തമന്ന പറയുന്നു. ഫെയര്‍നെസ്സ് ക്രീമുകള്‍ ഉപയോഗിക്കുന്നതില്‍ നിന്ന് അമ്മ തന്നെ വിലക്കുമെന്ന് തമന്ന പറയുന്നു.

നിറം പാരമ്പര്യം

പാരമ്പര്യമായി തന്നെ കുടുംബത്തില്‍ എല്ലാവര്‍ക്കും നിറമുണ്ടെന്ന് തമന്ന പറയുന്നു. അതുകൊണ്ടു തന്നെ നിറം വര്‍ദ്ധിപ്പിക്കാനുള്ള യാതൊരു തരത്തിലുള്ള കാര്യവും ചെയ്യുന്നില്ലെന്നും തമന്ന വ്യക്തമാക്കുന്നു.

സസ്യഭുക്കല്ല എങ്കിലും

സസ്യഭുക്കല്ലെങ്കിലും എവിടെ ചെന്നാലും ആദ്യം കഴിക്കനാിഷ്ടപ്പെടുന്നതും കൂടുതല്‍ തിരഞ്ഞെടുക്കുന്നതും വെജിറ്റേറിയന്‍ ഭക്ഷണങ്ങളാണ്.

യോഗ ജീവിതത്തിന്റെ ഭാഗം

യോഗ ചെയ്യുന്നത് ജീവിതത്തിന്റെ ഒരു ഭാഗമാണെന്ന് തമന്ന വെളിപ്പെടുത്തുന്നു. യോഗയിലൂടെ തനിക്ക് ആത്മവിശ്വാസവും മനസ്സിന് സന്തോഷവും ലഭിക്കുമെന്ന് തമന്ന.

വറുത്തതും പൊരിച്ചതും ഇഷ്ടം

ഭക്ഷണകാര്യത്തില്‍ വറുത്തതിനോടും പൊരിച്ചതിനോടും ഇഷ്ടമാണെന്ന് തമന്ന പറയുന്നു. എന്നാല്‍ സൗന്ദര്യ സംരക്ഷണത്തില്‍ ആദ്യം ഒഴിവാക്കേണ്ടത് അതാണെന്ന് തമന്ന വ്യക്തമാക്കുന്നു.

വെള്ളം ധാരാളം

എല്ലാവരേയും പോലെ തന്നെ വെള്ളം കുടിയ്ക്കുന്ന കാര്യത്തില്‍ താനും മുന്‍പന്തിയിലാണ്. വെള്ളം കുടിയ്ക്കുന്നത് എപ്പോഴും നമ്മളെ ഫ്രഷ് ആക്കി നിര്‍ത്താന്‍ സഹായിക്കുന്നു.

ബദാം ഇഷ്ടതാരം

ഭക്ഷണമൊന്നും കഴിച്ചില്ലെങ്കിലും ബദാം ധാരാളം കഴിക്കുമെന്ന് തമന്ന. തേനും ബദാമും തന്റെ സൗന്ദര്യ സംരക്ഷണത്തില്‍ വഹിക്കുന്ന പങ്ക് വളരെ വലുതാണെന്നും തമന്ന പറയുന്നു.

മധുരം ഇഷ്ടമല്ല

മധുരവും മധുര പദാര്‍ത്ഥങ്ങളും ഭക്ഷണത്തില്‍ ഉള്‍പ്പെടുത്താറില്ല.അതും തന്റെ തടി വര്‍ദ്ധിപ്പിക്കുമെന്നുള്ളതിനാലാണെന്ന് തമന്ന.

ജിമ്മില്‍ ധാരാളം സമയം

ജിമ്മില്‍ പോയി ധാരാളം സമയം ചിലവഴിക്കാറുണ്ടെന്ന് തമന്ന. എപ്പോഴും സൈസ് സീറോ ആയി ഇരിക്കാനാണ് ഇഷ്ടമെന്നും ഇവര്‍ പറയുന്നു.

ഫേസ്പാക്ക് നാച്ചുറല്‍ തന്നെ

ഫേസ്പാക്ക് ഉപയോഗിക്കും എന്നാല്‍ അവയും പ്രകൃതിദത്തമായത് മാത്രമേ ഉപയോഗിക്കൂ എന്ന് തമന്ന. കറ്റാര്‍വാഴ, മഞ്ഞള്‍ തുടങ്ങിയവയാണ് ഉപയോഗിക്കുക.

ഷാംമ്പൂ ഉപയോഗിക്കാറില്ല

മുടി സംരക്ഷണത്തില്‍ ഷാംമ്പൂ ഉപയോഗിക്കാറില്ലെന്ന് തമന്ന. അതും പ്രകൃതി ദത്തമായി മാത്രമേ ചെയ്യാറുള്ളൂ. ശിക്കക്കായ്, പപ്പായ, നെല്ലിക്ക എന്നിവയാണ് തലമുടി സംരക്ഷമത്തിനായി ഉപയോഗിക്കുകയെന്ന് തമ്‌നന് പറയുന്നു.

ഉറക്കത്തിനു മുന്‍പ് മേക്കപ്പിന് വിട

ഉറങ്ങാന്‍ പോവുന്നതിനു മുന്‍പ് മേക്കപ് കളഞ്ഞതിനു ശേഷം മാത്രമേ ഉറങ്ങൂ എന്നും തമന്ന.

ചിരിയാണ് പ്രധാനം

ചിരിയാണ് തമന്നയുടെ മറ്റൊരു സൗന്ദര്യ രഹസ്യം. ഏത് സമയത്തും ചിരിക്കുക എന്നതാണ് ഒരു മനുഷ്യനെ സംബന്ധിച്ചിടത്തോളം ഏറ്റവും വലിയ കാര്യവും.