ഭാവന നമ്മുടെ ഭാവനയ്ക്കപ്പുറം

ബ്യൂട്ടി പാര്‍ലര്‍ വീട്ടില്‍ തന്നെ

ബ്യൂട്ടി പാര്‍ലറില്‍ പോവാറില്ലെന്ന് ഭാവന പറയുന്നു. ബ്യൂട്ടി പാര്‍ലറിന്റെ ആവശ്യം ഇതു വരെ തന്റെ കരിയറില്‍ വന്നിട്ടില്ലെന്നാണ് ഭാവന വ്യക്തമാക്കുന്നത്.

മുത്തശ്ശി പറഞ്ഞ കൂട്ടുകള്‍

സൗന്ദര്യം സംരക്ഷിക്കുന്നതിന് ഇപ്പോഴും മുത്തശ്ശി പറഞ്ഞ ആയുര്‍വ്വേദ കൂട്ടുകളാണ് ഉപയോഗിക്കാറുള്ളതെന്നും ഭാവന. മാര്‍ക്കറ്റിലിറങ്ങുന്ന യാതൊരു തരത്തിലുള്ള കൃത്രിമമായ സൗന്ദര്യവര്‍ദ്ധക വസ്തുക്കള്‍ ഉപയോഗിക്കാറില്ലെന്നും ഭാവന വ്യക്തമാക്കുന്നു.

മുടി വളര്‍ച്ചയ്ക്ക് എണ്ണ

വെളിച്ചെണ്ണയാണ് മുടിയില്‍ തേയ്ക്കാറുള്ളത്. മാത്രമല്ല ഷാമ്പൂവിന് പകരം താളി ഉപയോഗിക്കാറെന്നും ഭാവന പറയുന്നു.

യോഗ ജീവിതത്തിന്റെ ഭാഗം

യോഗ ചെയ്യുന്നത് ജീവിതത്തിന്റെ ഭാഗമായി മാറിയിട്ടുണ്ട്. അത് മനസ്സിന് സമാധാനവും സുഖവും നല്‍കുന്നെന്ന് ഭാവന വ്യക്തമാക്കുന്നു.

വ്യായാമം മുടക്കാറില്ല

വ്യായാമം ചെയ്യുന്നത് വര്‍ഷങ്ങളായുള്ള ശീലമാണ്. അതുകൊണ്ടു തന്നെ എപ്പോഴും ഫിറ്റ് ആയി ഇരിക്കാന്‍ ഇത് സഹായിക്കുന്നു.

ഉറക്കം കൃത്യസമയത്ത്

ഉറങ്ങുന്നതിനും ഉണരുന്നതിനും കൃത്യസമയം പാലിക്കുന്നതാണ് മറ്റൊരു രഹസ്യം. അതും കൃത്യസമയത്ത് തന്നെ ഉറങ്ങുകയും കൃത്യസമയത്ത് എഴുന്നേല്‍ക്കുകയും ചെയ്യുന്നത് ഏറ്റവും വലിയ കാര്യമെന്ന് ഭാവന.

മേക്കപ് സിനിമയ്ക്കായി

സിനിമയ്ക്കായി മാത്രമേ താന്‍ അധികവും മേക്കപ് ഉപയോഗിക്കാറുള്ളൂ എന്ന് ഭാവന പറയുന്നു. സിനിമ ഇല്ലാത്ത സമയങ്ങളില്‍ മേക്കപ്പിനും വിശ്രമം നല്‍കുന്നുവെന്ന് ഭാവന.

ഭക്ഷണക്രമം പാലിക്കുന്നു

പലപ്പോഴും ഭക്ഷണം കൃത്യസമയത്ത് കഴിക്കാന്‍ കഴിയാത്തത് ആരോഗ്യത്തേയും സൗന്ദര്യത്തേയും പ്രതികൂലമായി ബാധിച്ചിരുന്നു, എന്നാല്‍ ഇപ്പോള്‍ കൃത്യസമയത്ത് ഭക്ഷണം കഴിക്കുന്നതും തന്റെ സൗന്ദര്യ രഹസ്യമെന്ന് ഭാവന.