'സുന്ദരിമാര്‍ ഈ തെറ്റുകള്‍ ചെയ്യരുത്‌'

1. ബ്രഷുകള്‍ വൃത്തിയാക്കുക

ഇത്‌ നിങ്ങള്‍ തന്നെ ചെയ്യണമെന്ന്‌ നിങ്ങള്‍ക്ക്‌ ബോദ്ധ്യമുണ്ടാകും, പക്ഷെ ചെയ്യാന്‍ മിനക്കെടില്ല. ബ്രഷുകള്‍ നന്നായി വൃത്തിയാക്കിയില്ലെങ്കില്‍ അവയില്‍ ബാക്ടീരിയകള്‍ വളരാന്‍ സാധ്യതയുണ്ട്‌. അതിനാല്‍ ആഴ്‌ചയില്‍ ഒരിക്കലെങ്കിലും ബ്രഷുകള്‍ വൃത്തിയാക്കുക.

2. ദിവസവും ഷാംപൂ വേണ്ട

മുടിയുടെ സൗന്ദര്യവും ആരോഗ്യവും സംരക്ഷിക്കുന്നതിന്‌ ദിവസവും ഷാംപൂ ഉപയോഗിക്കണമെന്ന്‌ കരുതുന്നവരുണ്ട്‌. ഇത്‌ തെറ്റാണ്‌. ദിവസവും ഷാംപൂ ഉപയോഗിക്കുന്നതിവൂടെ മുടിയിലെ സ്വാഭാവിക എണ്ണമയം നഷ്ടപ്പെടും. ഇത്‌ മുടിയുടെ സൗന്ദര്യത്തെയും ആരോഗ്യത്തെയും ദോഷകരമായി ബാധിക്കും.

3. കണ്ടീഷണര്‍ അധികമാകരുത്‌

ആളുകള്‍ ഷാംപൂ ഉപയോഗിക്കുന്നത്‌ പോലെ മുടിയിലും തലയോട്ടിയിലുമെല്ലാം കണ്ടീഷണര്‍ തേച്ചുപിടിപ്പിക്കാറുണ്ട്‌. തലയോട്ടിയോടുള്ള ചേര്‍ന്നുള്ള രോമഭാഗങ്ങള്‍ പുതിയതും ആരോഗ്യമുള്ളവയുമായിരിക്കും. അതുകൊണ്ട്‌ മുടിയുടെ അറ്റത്ത്‌ മാത്രം കണ്ടീഷണര്‍ പുരട്ടിയാല്‍ മതിയാകും.

4. കഴുത്തിനും ശ്രദ്ധ വേണം

ചര്‍മ്മസംരക്ഷണത്തിന്‌ വേണ്ടി നിങ്ങള്‍ പലതും ചെയ്യുന്നുണ്ടാകും. ഇതിനിടെ നിങ്ങള്‍ കഴുത്ത്‌ ക്ലെന്‍സ്‌ ചെയ്യാനോ മോയിസ്‌ചുറൈസ്‌ ചെയ്യാനോ മെനക്കെടാറുണ്ടോ? സൗന്ദര്യ സംരക്ഷണത്തിനായി ചെയ്യുന്ന കാര്യങ്ങള്‍ കവിളുകളിലെത്തുമ്പോള്‍ നിര്‍ത്തരുത്‌. കഴുത്തിലെ ചര്‍മ്മത്തിനും ഇതെല്ലാം ആവശ്യമാണ്‌. അതിനാല്‍ കഴുത്തിലെ ചര്‍മ്മത്തെ ശ്രദ്ധയോടെ പരിപാലിക്കുക.

5. സമാധാനത്തോടെ ഒരുങ്ങുക

ഒരുങ്ങുന്നതിന്‌ മുമ്പ്‌ മോയിസ്‌ചുറൈസര്‍ പുരട്ടുന്നവര്‍ അത്‌ ഉണങ്ങിയതിന്‌ ശേഷമേ ഫൗണ്ടേഷന്‍ പുരട്ടാവൂ. അല്‍പ്പം ക്ഷമ കാണിച്ചാല്‍ നിങ്ങള്‍ക്ക്‌ അത്ഭുതകരമായ ഫലം ലഭിക്കും. ക്ഷമയ്‌ക്കല്ലാതെ മറ്റൊന്നിനും ഇത്‌ നല്‍കാന്‍ കഴിയില്ലെന്നും ഓര്‍ക്കുക. മോയിസ്‌ചുറൈസര്‍ ഉണങ്ങും മുമ്പ്‌ മേക്കപ്പ്‌ ചെയ്‌താല്‍ വെളുക്കാന്‍ തേച്ചത്‌ പാണ്ടായി എന്ന്‌ പറഞ്ഞ അവസ്ഥയിലാകും!

6. നിര്‍ദ്ദേശങ്ങള്‍ പാലിക്കുക

ഒന്നും ആലോചിക്കാതെ സ്‌പോട്ട്‌ ക്രീമുകള്‍ പുരട്ടുന്നവരുണ്ട്‌, ഒരിക്കലും അങ്ങനെ ചെയ്യരുത്‌. ഇത്തരം ക്രീമുകള്‍ മണിക്കൂറുകളോളം നിങ്ങളുടെ ചര്‍മ്മത്തില്‍ പ്രവര്‍ത്തിക്കും. അതിനാല്‍ കവറിന്‌ പുറത്ത്‌ എഴുതിയിരിക്കുന്ന നിര്‍ദ്ദേശങ്ങള്‍ അനുസരിച്ച്‌ മാത്രം അവ ഉപയോഗിക്കുക. മറ്റൊരു കാര്യം കൂടി ക്രീമുകള്‍ വലിയ കനത്തിന്‌ തേയ്‌ക്കുന്നതും നല്ലതല്ല.

7. ഹെയര്‍ സ്‌റ്റൈലിംഗ്‌ ശ്രദ്ധയോടെ

ഹെയര്‍ ഡ്രയര്‍, സ്‌ട്രെയ്‌റ്റ്‌നറുകള്‍ എന്നിവ ഉപയോഗിക്കുമ്പോള്‍ ശ്രദ്ധിക്കുക. അനുയോജ്യമായ മുന്‍കരുതലുകളില്ലാതെ തലമുടി ചൂടാക്കിയാല്‍ അതിലെ ജലാംശം നഷ്ടപ്പെടും. മുടിയുടെ മൃദുത്വം നഷ്ടമാവുകയും അതിന്റെ ആരോഗ്യവും സൗന്ദര്യവും നശിക്കുകയും ചെയ്യും.

8. സൂക്ഷിച്ച്‌ പുരികമെടുക്കുക

കണ്ണാടിയോട്‌ ചേര്‍ന്നുനിന്ന്‌ പുരികമെടുക്കുമ്പോള്‍, കൂടുതല്‍ രോമമുള്ള പ്രതീതി ലഭിക്കും. ഇതോടെ നിങ്ങള്‍ പുരികത്തിലെ രോമം കൂടുതലായി നീക്കം ചെയ്യാനുള്ള സാധ്യതയേറും. ഇതോടെ പുരികം നേര്‍ത്തതാവുമെന്ന്‌ മാത്രമല്ല പുരികങ്ങള്‍ തമ്മില്‍ ഒരു സാമ്യവുമില്ലാതാവുകയും ചെയ്യും. അതിനാല്‍ വലിയൊരു കണ്ണാടിക്ക്‌ മുന്നില്‍ നിന്ന്‌ മുഖം പൂര്‍ണ്ണമായും കാണാവുന്ന രീതിയില്‍ പുരികം എടുക്കുക.

വരണ്ട ചര്‍മ്മത്തിന് വീട്ടുപരിഹാരങ്ങള്‍